Joǵary bilimi joqtar aýyl ákimine sailaýǵa túse alady
Mundai jańashyldyq jergilikti deńgeidegi sailaýdyń naqtylyǵyn kúsheitedi dep esepteimin, ásirese aýylda halyqtyń senimine ie, biraq joǵary bilimi joq bilikti tájiribeli adamdar kóp ekenin eskersek, - dedi Qasym-Jomart Toqaev.
Onyń aitýynsha, ákimdikke kandidattar úshin, ásirese ózin-ózi usynǵandar úshin úgit-nasihat kezeńin ulǵaitý mańyzdy. Osyǵan bailanysty ol onyń merzimin túzetý múmkindigin qarastyrýdy tapsyrdy.
Budan basqa, sailaý naýqanyn qarjylandyrý kezinde saralanǵan tásildi qoldaný usynylady. Eger soltústik óńirdegi halyq az qonystanǵan aýyldarda qazirgi qarajat kólemi úgit-nasihat shyǵyndaryn jabýǵa jetkilikti bolsa, onda halyqtyń tyǵyzdyǵy joǵary ońtústikte bul jetkiliksiz.
Atalǵan usynymdar aýyl ákimderin sailaý tetikterin jaqsartýǵa baǵyttalǵan dep sanaimyn. Sondyqtan olardy egjei-tegjeili zertteý kerek. Prezident Ákimshiligine naqty usynystar ázirlep, engizýdi tapsyramyn, - dedi Memleket basshysy.
Ol 2021 jyly elimizde 800-den astam aýyl ákimi sailanǵanyn eske saldy. Osy sailaýdyń nátijesinde quram jartylai jańartyldy. Partiianyń belsendiligi, ózin-ózi usynǵandardyń kóptigi jáne sailaýshylardyń belsendi qatysýy osy reformanyń qajettiligin kórsetti.
