Jylytý maýsymynda pesh jaǵýdyń qaýipsizdik sharalaryn saqtaýdyń mańyzy zor
Brifingte ShQO Tótensha jaǵdailar departamentiniń Memlekettik órt baqylaý basqarmasynyń bastyǵy Serik Amangeldin qyrkúiek aiynda jylytý maýsymy bastalǵan sátten bastap, qutqarýshylar myńdaǵan úidi aralap, órt qaýipsizdigin buzýǵa qatysty 24 428 jaǵdaidy anyqtap, úlken qaýiptiń aldyn alǵanyn tilge tiek etti.
Ádette kópshiligimiz jylytý maýsymyna qalypta dúnie retinde qarap, mán bermeitinimiz jasyryn emes. Jylytý maýsymyna asa saqtyqpen qaraǵan lázim. Bul rette órt qaýipsizdigin saqtap, tótenshe jaǵdailar salasy qyzmetkerleriniń aitqan talaptaryn eki etpei oryndaýdyń mańyzy zor. Osylaisha tilsiz jaýdyń aldyn alýǵa bolady.
Jýrnalistermen kezdesýde shyǵysqazaqstandyq tótenshe jaǵdailar qyzmetiniń qutqarýshylar ShQO ákimdigi janyndaǵy Jumyspen qamtýdy úilestirý jáne áleýmettik baǵdarlamalar basqarmasymen birlesip, halyqtyń áleýmettik osal toptary turatyn 8172 jeke turǵyn úilerdi tekserip, órt qaýipsizdigin saqtaý sharalarynyń qanshalyqty oryndalǵanyn pysqtaǵan. Profilaktikalyq shara barysynda turǵyndarǵa peshpen jylytý jáne gaz jabdyqtaryn paidalaný kezinde órt qaýipsizdigi talaptaryn saqtaý isi keńinen túsindirgenderin alǵa tartty. ShQO Tótenshe jaǵdailar departamenti aǵymdaǵy jyldyń basynan beri qolaisyz otbasylardyń turatyn jerlerine 339 reid júrgizipti.
Qazirgi tańda oblys aýmaǵynda turǵyn úi sektoryndaǵy órtterdiń úlesi órtterdiń 60%-dan astamyn quraidy. Aǵymdaǵy jyldyń 9 aiynda oblys boiynsha 1145 órt tirkelgen, onyń ishinde 740-y turǵyn úi sektorynda oryn alsa, jeke turǵyn úi sektory aýmaǵynda órt saldarynan qaza tapqandar sany 35 adamdy quraǵan. Sondyqtan tótenshe jaǵdailar qyzmetkerleriniń saqtyq sharalaryn kúsheitýin túsinýge bolady. Mamandardyń aitýynsha, kóp jaǵdaida otty abaisyz qoldaný kezinde, peshterdi ornatyp, paidalanǵanda órt qaýipsizdigi talaptaryn buzylǵannan keiin oryn alyp jatady eken.
Budan basqa elektr jabdyqtaryn montajdaý men tehnikalyq paidalaný erejelerin buzý jaǵdailary da ottyń tutanýyna negiz bolatynyn umytpaýymyz kerek. Osy rette mamandar jylytý peshteriniń tútin qubyrlary, tútindikteri jáne basqa da elementteri jylytý maýsymy aldynda kúieden tazartyp turýdyń mańyzy zor ekenin eskertedi. Sonmen qatar peshterdi qaraýsyz qaldyrýǵa, ony qadaǵalaýdy balalarǵa tapsyrýǵa áste bolmaidy. Kómir men aǵash otyn qoldanylatyn peshterdi tutar kezde tez tutanatyn, janǵysh suiyqtyqtardy qoldanýdyń qajeti joq. Muny sońy jaisyz jaǵdaiǵa uryndyrýy múmkin.
