Elimizde ánshi -ártisterdiń ataq-abyroıy asqaqtap ketkeni sonshalyqty halyqtyń atynan sóıleıtin bolǵan. Olardyń dańq pen daqpyrty aqyn-jazýshylardyń ózinen asyp ketken.
Sony biri – Qydyráli Bolmanov.
Elimizdegi bir basylymǵa suhbat bergen Qydekeń bylaı depti: «Men toqal daýyn halyqtyń jerdi satýǵa narazylyq tanytyp, alańǵa shyqpaýy úshin oılap taptym. Osylaı jasasam áne-mine alańǵa shyǵýǵa ázir otyrǵan jurttyń oıy-basqa jaqqa bóline me dep oıladym».
Mine, bir ǵana Qydyráliniń yqpaly qandaı. Onyń toqal alǵaly jatqanyn estip, kúlli halyq, kúlli qazaq oıynan aınyp qalady eken. İstep jatqan isin jıyp-teredi de Qydekeńniń toqal alǵaly jatqanyn talqylaı jóneledi.
Osylaısha kúlkige qaldy Qydyráli. Odan buryn qazaqtyń taǵdyryna qanshalyqty janı ashıtynyn kórsetti. Aıtpaqshy, onyń "toqal taqyrybyn jer daýy kezinde oılap taptym" deýi tegin emes. Bul arada ol ózin oılaýy ábden múmkin.
«Erteń el búlinedi. El búlinse, toı tyıylady. Toı tyıylsa, tabys da joǵalady» dep boljaǵan bolar Qydykeń.
Áıtpese, Bolmanovtyń Maıǵazıevten qaı jeri kem? Jer daýy endi-endi ýshyǵa bastaǵan tusta Sáken bastaǵan bir ánshiler jer satýǵa qarsy ekendigin aıtqan. Sol kezde Bolmanov qaıda boldy?
