Jyldar júgin arqalaǵan týyndy
Óńirdiń aqyn-jazýshylary, ziialy qaýym, jas býyn ókilderi bas qosqan jiynda Qazaqstan halqy Assambleiasy hatshylyǵynyń meńgerýshisi, aqyn Ǵabit Tursynbai, oblys ákimi baspasóz qyzmetiniń inspektory, aqyn Saǵynysh Namazshamova, oblystyq «Jetisý» gazetiniń tilshisi, aqyn Qajet Andas, «Tekeli tynysy» qalalyq gazetiniń bas redaktory, aqyn Torǵyn Turlybaevalar Elbasynyń jyldar júgin arqalaǵan týyndysy týraly baiandama jasap, tolǵamdy oilarymen bólisti.
Baiandamashylar óz sózinde kitapta táýelsizdiktiń qadir-qasieti, bostandyqtyń baǵa jetpes bailyǵy, memlekettilikti jetildirýdiń mol múmkindikteri egjei-tegjeili jazylǵandyǵyn aitty.
– Prezident: «Bul kitap meniń uly qoldaýshym, kemel keleshegine óziniń qazaqstandyq jolymen qaryshtaǵan jasampaz halqyma arnalady» dep kitaptyń mazmunyn aiqyndap berdi. Shynynda da, tarihi-pýblitsistikalyq janrda jazylǵan kitapta elimizdiń ótkeni men bolashaǵyna qatysty avtordyń kózqarasy egjei-tegjeili baiandalady, – dedi Qazaqstan halqy Assambleiasy hatshylyǵynyń meńgerýshisi, aqyn Ǵabit Tursynbai. Sondai-aq, bul kitapta memlekettiń ishki saiasatynyń jarqyn jetistikteri, ishki saiasi jáne ishki ekonomikalyq ózgeristerdiń qalai júzege asyrylǵandyǵy týraly, aimaqtyq qaýipsizdik máselesi de keńinen taldanǵandyǵyn, bul halqymyzǵa bereri mol eńbek ekenin aitty.
Munan soń sóz alǵan aqyndar Saǵynysh Namazshamova, Qajet Andas, Torǵyn Turlybaevalar Elbasynyń "Táýelsizdik dáýiri" atty kitaby jastardy erteńgi kúnge senimmen qaraýǵa jeteleitin birden bir qundy týyndy, kataptyń bolashaq úshin mańyzynyń zor ekenin tilge tiek etip, kitaptaǵy aqparat salasy boiynsha aitylǵan tsitatalardan da oi qaýzady.
Jiynǵa qatysqan jas býyn ókilderi de ózderiniń oilarymen bólisti. Ózderiniń naǵyz altyn ǵasyrda ómir súrip jatqandyqtaryn maqtan etetindikterin de aitty.
– «Táýelsizdik dáýiri» atty Elbasynyń eńbegi Qazaqstan halqy úshin ǵana emes, Orta Aziianyń ótkeni men erteńin zertteýshilerge úlken septigin tigizer qundy qazyna bolmaq. Bul kitapty paraqtai otyryp táýelsiz Qazaqstannyń kemel keleshegin kóremiz. Elbasynyń «Táýelsizdik dáýiri» atty eleýli eńbegi – bir dáýirdiń ainasy ispetti, – dedi jiyndy qorytyndylaǵan Til basqarmasynyń basshysy Aidar Karbozuly.
Kesh barysynda júldyzdy jup Álibi Bekaidar men Gúlnur Nurasylova «Elim meniń» ánin shyrqap, otyrysty odan ári árledi.
