Jezqazǵan qalasyndaǵy páterlerdiń birinen aiasyz óltirilgen 59 jastaǵy áiel men onyń 17 jastaǵy qyzynyń denesi tabyldy. Anasyna jeti jerden pyshaq siltelgen bolsa, al qyz symmen tunshyqtyrylǵanǵa uqsaidy, dep habarlaidy Dalanews.kz.
Almaty.tv málimetterine sáikes, qyz Astanadaǵy halyqaralyq kolledjdiń ekinshi kýrsynda oqyǵan.
Ulytaý oblysy politsiia departamentiniń (PD) baspasóz qyzmeti kisi óltirý boiynsha eki faktige sáikes, qylmystyq is qozǵalǵanyn naqtylady. Sondai-aq, tártip saqshylary jedel-izdestirý is-sharalary barysynda osy qylmysty jasady degen kúdiktini izin sýytpai ustady.
"Jaýap alý kezinde ol óziniń kinásin moiyndady. Kúdikti ýaqytsha ustaý izoliatoryna qamaldy", - deidi Ulytaý oblysy PD baspasóz qyzmeti.
Qazirgi ýaqytta, tergeýshiler atap ótkendei, bolǵan oqiǵanyń barlyq mán-jailaryn anyqtaýǵa baǵyttalǵan jedel-tergeý is-sharalarynyń kesheni júrgizilýde.
"Tergeý barysy politsiia basshylyǵynyń erekshe baqylaýynda", dep naqtylaidy Ulytaý oblysy PD baspasóz qyzmeti.
Buǵan deiin Almaty oblysynda erli-zaiyptyny óltirip, úiin órtep jibergen qylmysker izdestirilip jatqanyn habarlaǵanbyz.
