Astana qalasyndaǵy «Qazanat» ippodromynda Almaty oblysynyń ulttyq sport túrlerinen kórsetilimi bastaldy. Shara «Astana EKSPO-2017» halyqaralyq mamandandyrylǵan kórmesine orai Almaty oblysynyń Mədeniet kúnderi aiasynda ótýde.
Kórsetilimde teńge ilý, aýdaryspaq, jamby atý, tazy itter jarysy siiaqty ulttyq sport túrlerinen sheberlik oiyndary usynylýda. Sol siiaqty ippodrom aýmaǵyndaǵy etnoaýylda asyq atý, toǵyzqumalaq, qazaq kúresinen «túiepalýandar jarysy» qyzdy.
Kórermender jetisýlyq búrkitshilerdiń búrkitti qolǵa shaqyrý ónerin de tamashalaýda.
Almaty oblystyq dene shynyqtyrý jəne sport basqarmasynyń bólim basshysy Almat Úshkempirovtiń aitýynsha, jalpy ulttyq oiyndardy astanalyqtar men Elorda qonaqtarynyń nazaryna usynýǵa óńirden 50-ge tarta sportshy kelgen. Olardyń arasynda Qazaqstan Respýblikasynyń sport sheberleri Meiirjan Mətjan, Eldos Tilebaldiev, Eldar Jienqulov, Zakirjan Jienqulov jəne ózge de sportshylar bar. Toǵyzqumalaqtan Astana jəne jetisýlyq komandalar arasynda joldastyq oiyndar ótedi dep josparlanýda.
– «Astana EKSPO – 2017» kórmesiniń qonaǵy ulybritaniialyq Frederik Avgýstin Baýmaister ulttyq sport oiyndary úshin ippodromǵa arnaiy kelgen. «Bul Qazaqstanǵa alǵash kelýim. Astanany kórip, qazaq mədenietinen, ónerinen habardar boldyq. Búgin men úshin ulttyq sport túrleri, sonyń ishinde búrkitti, arnaiy itterdi sporttyq jarystarǵa qosýdy kórý asa qyzyqty boldy. Óte jaqsy əser aldym, – deidi F. Baýmaister.
Aita ketý kerek, ippodromdaǵy sporttyq sharalar eki kún boiy jalǵasady.
Almaty oblysy ákiminiń baspasóz qyzmeti
