JETİSÝDA STIHIALYQ QOQYS ORYNDARY TAZARTYLÝDA

Jarbol Kentuly 25 mam. 2024 15:49 2866

Respýblıkalyq «Taza Qazaqstan» ekologıalyq aksıasy aıasynda Taldyqorǵan qalasy mańyndaǵy stıhıalyq qoqys oryndary tazartyldy.

Elimizde stıhıalyq qoqys oryndary men kólemi spýtnıktiń kómegimen, aero túsirilim arqyly anyqtalǵan bolatyn. Qazirgi tańda sol oryndardy tazartý jumystarymen aınalysýda. Jalpy, stıhıalyq qoqys oryndaryn tazalaý jumystary merdiger mekemelerdiń kúshimen jyl boıy atqarylmaq.

Taldyqorǵan qalasy boıynsha atalǵan jumystardy «Jaksymbet» JSHS júzege asyrady. Jyl basynan beri oblys ortalyǵynda 12 oryn anyqtalyp, 273 m3 qoqystan tazartyldy. Búgingi kúnge 2 stıhıalyq qoqys ornynda tazalyq jumystary júrgizilip, 35 m3 qoqys shyǵaryldy.

Sonymen qatar, qalanyń 100 jýyq eriktileri, stýdentter men «Jetisý jastary» ortalyǵynyń qyzmetkerleri qala kóshelerin turmystyq qoqys pen bos bótelkelerden tazartty. Tazalyq aksıasy barysynda jınalǵan qoqystar qaıta óńdeý ortalyqtaryna jiberiletin bolady. Jastardyń josparyna sáıkes, qaıta óńdeýden túsken qarajat 1 maýsym – Balalar kúni merekesine oraı, búldirshinderge merekelik kóńil-kúı syılaýǵa jumsalatyn bolady.


Usynylǵan
Sońǵy jańalyqtar