Búgin Eńbekshiqazaq aýdanynda koronavırýs dıagnozymen tirkelgen alǵashqy naýqas aýrýhanadan shyǵaryldy. Ol – oblys boıynsha atalǵan indetten jazylǵan 7-shi adam, – dep habarlaıdy Almaty oblysy ákiminiń baspasóz qyzmeti.

Naýqastanyp, jazylyp shyqqan 59 jastaǵy azamat Eńbekshiqazaq aýdany Esik qalasynyń turǵyny. Ol 26 naýryzda Ózbekstannan úılený toıynda bolyp kelgen. 28 naýryzda shuǵyl medısınalyq kómek brıgadasymen birge Eńbekshiqazaq aýdany, Báıdibek bı aýylyndaǵy aýyldyq aýrýhananyń observasıalyq bólimine jetkizilgen. Naýqaspen  qarym-qatynas jasaǵan 13 adamnan aýrýhanada vırosologıaǵa taldaý alyndy. Olardyń barlyǵynyń nátıjesi teris bolyp shyqty.

Naýqasqa 14 sáýirde qaıta jasalǵan taldaý qorytyndysy teris nátıje kórsetti.Pasıenttiń shaǵymy joq, jaǵdaıy qanaǵattanarlyq.

Sonymen Almaty oblysynda koronavırýsten jazylǵandar sany 7 adam boldy.

Taǵy oyqyńyz:

https://dalanews.kz/52410