Bul ótken jylmen salystyrǵanda 8 ese kóp. Bul jaiynda Jetisý oblysynyń ákimi Beibit Isabaev búgin Astana qalasynda ótken brifing kezinde aitty, – dep habarlaidy Jetisý oblysy ákiminiń baspasóz qyzmeti.
– Jalpy osy jyly 3494 páter bólinedi, sonyń 2173-i – Taldyqorǵan qalasynda. Bul kezekte turǵandardyń shamamen 14-15%-y. Búgingi tańda demeýshiler esebinen Taldyqorǵan qalasynda 180 páterlik úsh úi jáne áleýmettik osal toptaǵylarǵa, onyń ishinde kóp balaly otbasylarǵa arnalǵan 27 jeke turǵyn úi salyndy. Atap aitqanda, Qaratal aýdanynda 15 úi, Kerbulaqta 8 úi, Panfilov aýdanynda 4 úi, – dep atap ótti B. Isabaev.
Spikerdiń aitýynsha, budan basqa «Samuryq-Qazyna» qory 2024 jyly 560 páterlik 9 kóp páterli úi salýdy josparlap otyr, iaǵni Taldyqorǵan qalasynda 60 páterlik 7 úi, Saryózek aýylynda 60 páter, Jarkent qalasynda 80 páter salynady.
Jalpy Jetisý oblysynda turǵyn úi alý kezeginde 30 myń adam tur, sonyń 15 myńnan astamy – Taldyqorǵanda kezekte. «Negizgi maqsatymyz – aldaǵy 4-5 jyl ishinde kezekte turǵandar sanyn 40-50% azaitý», – dedi oblys ákimi.
Jetisý oblysy ákiminiń baspasóz qyzmeti
