Almaty oblysynda shaǵyn jáne orta bızneste 252 myń adam jumys isteıdi, olar shyǵaratyn ónimder men kórsetetin qyzmetterdiń kólemi bıyl 1,4 trln-ǵa deıin ósedi. Bul týraly Nur-Sultan qalasynda Prezıdent janyndaǵy Ortalyq komýnıkasıalar qyzmetinde Almaty oblysynyń ákimi Amandyq  Batalovtyń qatysýymen brıfıń kezinde aıtyldy, - dep habarlaıdy Almaty oblysy ákiminiń baspasóz qyzmeti.

Amandyq Batalovtyń sózine súıensek, shaǵyn jáne orta bızneste jaqsy kórsetkishterge memlekettik qoldaýdyń arqasynda qol jetkizgen. Osylaısha memlekettik qoldaýdyń arqasynda kórsetkish qazir 9 mlrd teńgege jetken.

Bıylǵy jyldyń ózinde ǵana «Bıznestiń jol kartasy – 2020» baǵdarlamasy sheńberinde somasy 4,4 mlrd teńgege 232 kásipker kómek aldy.

Al nátıjeli jumyspen qamtý baǵdarlamasy boıynsha 5,5 mlrd. teńgeden astam qarjyǵa 1300 mıkrokredıt berilgen.

– Osylaısha shaǵyn jáne orta bıznestiń jalpy óńirlik ónimdegi úlesin 2050 jylǵa qaraı eki ese arttyrý mindetine qol jetkizýge múmkindik mol. Eger sońǵy bes jyl ishinde bul kórsetkish 25-26 prosentten aspasa, ótken jyly 32 prosentke jetti (QR-28%), bıylǵy jyly 33,5 prosentke jetkizý josparlanyp otyr, – dedi oblys ákimi A.Batalov.

Óńirde ónerkásiptiń ósý qarqyny jedeldep, 10 aıda 104,5 prosentti quraǵan. Ákim jyl jyl sońyna deıin óndiris kólemi bir trln teńgege jetetinin alǵa tartty.

Amandyq Batalovtyń habarlaýynsha, oblys úshin «Qarapaıym zattar ekonomıkasy» baǵdarlamasy óte ózekti tur. Atalǵan baǵdarlama óńdeý ónerkásibiniń áleýetin tolyqtaı ashýǵa múmkindik bergen. Búgingi kúni jalpy somasy 89 mlrd teńge bolatyn 111 jobanyń ishinen bankter 10,3 mlrd  teńgege 20 jobany maquldanǵan.



Almaty oblysy ákiminiń baspasóz qyzmeti