QR Prezıdentiniń 2020 jylǵy 16 naýryzdaǵy № 286 "áleýmettik-ekonomıkalyq turaqtylyqty qamtamasyz etý jónindegi sharalar týraly" Jarlyǵyn oryndaý maqsatynda tótenshe jaǵdaı rejımi jaǵdaıynda Almaty oblysynyń ákimdigi oblys ákiminiń orynbasarynyń tóraǵalyǵymen densaýlyq saqtaý uıymdarynyń qyzmetkerlerin qarjylaı qoldaý jónindegi komısıa qurdy.

Almaty oblystyq densaýlyq saqtaý basqarmasy juqtyrý qaýpi toptaryna sáıkes COVID-19 koronavırýsymen kúresý boıynsha epıdemıaǵa qarsy is-sharalarǵa qatysatyn medısına qyzmetkerleriniń tizimin anyqtady.

Osy maqsatta respýblıkalyq búdjetten bólingen qarajattan densaýlyq saqtaý uıymdarynyń 1448 qyzmetkerine, onyń ishinde 205 dárigerge, 882 orta medısınalyq qyzmetkerlerge, 361 kishi medısınalyq qyzmetkerlerge eńbekaqy tólendi.

Sonymen qatar, oblys ákiminiń qaýlysyn oryndaý úshin jergilikti búdjetten 1 023 medısına qyzmetkerlerine, onyń ishinde 178 dárigerge, 528 orta medısınalyq qyzmetkerlerge, 317 kishi medısınalyq qyzmetkerlerge syıaqy berý úshin qosymsha qarjy bólindi.