QR Joǵary oqý oryndary arasyndaǵy XIII jazǵy Ýniversiada aiasynda ótken jarystarda Jetisý ýniversitetiniń sportshy stýdentteri joǵary nátije kórsetip, júldeli oryndarǵa ie boldy.
Jeńil atletikadan qyzdar arasyndaǵy 1500 metr qashyqtyqqa júgirý saiysynda «Dene shynyqtyrý jáne sport» bilim berý baǵdarlamasynyń 1-shi kýrs stýdenti Aiana Bolatbekqyzy altyn medal jeńip alsa, erler arasyndaǵy osy qashyqtyqta 3-kýrs stýdenti Aibol Omarov ta birinshi oryndy ielenip, jarystyń jeńimpazy atandy. Sonymen qatar, Aqbaian Nurmámet 1500 metrlik jarysta úshinshi oryndy ielenip, qola medalmen marapattaldy.
Sondai-aq, 4x100 metrlik estafetalyq jarysta Jetisý ýniversitetiniń qurama komandasy úshinshi oryn alyp, Ýniversiada júldegerleri qatarynan kórindi. Komanda quramynda Aqbaian Nurmámet, Aiana Bolatbekqyzy, Anel Nurmuhambet jáne Saniia Qudaibergen óner kórsetti.
Sporttaǵy bul jetistikter – ýniversitettiń jan-jaqty tulǵa tárbieleý jolyndaǵy tabysty qadamdarynyń biri. Aldaǵy ýaqytta da Jetisý ýniversiteti buqaralyq jáne kásibi sportty qoldaýdy jalǵastyra bermek.
