ق ر جوعارى وقۋ ورىندارى اراسىنداعى XIII جازعى ۋنيۆەرسيادا اياسىندا وتكەن جارىستاردا جەتىسۋ ۋنيۆەرسيتەتىنىڭ سپورتشى ستۋدەنتتەرى جوعارى ناتيجە كورسەتىپ، جۇلدەلى ورىندارعا يە بولدى.
جەڭىل اتلەتيكادان قىزدار اراسىنداعى 1500 مەتر قاشىقتىققا جۇگىرۋ سايىسىندا «دەنە شىنىقتىرۋ جانە سپورت» ءبىلىم بەرۋ باعدارلاماسىنىڭ 1ء-شى كۋرس ستۋدەنتى ايانا بولاتبەك قىزى التىن مەدال جەڭىپ السا، ەرلەر اراسىنداعى وسى قاشىقتىقتا 3-كۋرس ستۋدەنتى ايبول وماروۆ تا ءبىرىنشى ورىندى يەلەنىپ، جارىستىڭ جەڭىمپازى اتاندى. سونىمەن قاتار، اقبايان نۇرمامەت 1500 مەترلىك جارىستا ءۇشىنشى ورىندى يەلەنىپ، قولا مەدالمەن ماراپاتتالدى.
سونداي-اق، 4x100 مەترلىك ەستافەتالىق جارىستا جەتىسۋ ۋنيۆەرسيتەتىنىڭ قۇراما كومانداسى ءۇشىنشى ورىن الىپ، ۋنيۆەرسيادا جۇلدەگەرلەرى قاتارىنان كورىندى. كوماندا قۇرامىندا اقبايان نۇرمامەت، ايانا بولاتبەك قىزى، انەل نۇرمۇحامبەت جانە سانيا قۇدايبەرگەن ونەر كورسەتتى.
سپورتتاعى بۇل جەتىستىكتەر – ۋنيۆەرسيتەتتىڭ جان-جاقتى تۇلعا تاربيەلەۋ جولىنداعى تابىستى قادامدارىنىڭ ءبىرى. الداعى ۋاقىتتا دا جەتىسۋ ۋنيۆەرسيتەتى بۇقارالىق جانە كاسىبي سپورتتى قولداۋدى جالعاستىرا بەرمەك.
