Jasandy ıntellekt salasyndaǵy ǵylym men tehnologıany damytý jáne elimizdi jahandyq ǵylymı-tehnıkalyq keńistikke ıntegrasıalaý maqsatynda İ. Jansúgirov atyndaǵy Jetisý ýnıversıtetinde «Jasandy ıntellekt» aptalyǵy bastaldy.

     Aptalyqtyń resmı ashylýynda Fızıka-matematıka fakúlteti «Jasandy ıntellekt jáne sıfrlyq transformasıa» is-sharasyn uıymdastyrdy. Odan keıin «Bilim berýdegi jasandy ıntellekt» taqyrybynda semınar ótti. Oǵan bilim ordasynyń profesor-oqytýshylary, magıstranttary, stýdentteri qatysty.

Semınar barysynda ınformatıka jáne bilimdi sıfrlandyrý kafedrasynyń oqytýshylary A. Eseıqyzy men G. Kasteeva baıandama jasap, jasandy ıntellekttiń bilim berý salasyndaǵy róline toqtaldy. İs-shara sońynda «Jasandy ıntellekt adamdy almastyra ala ma?» taqyrybynda qyzý pikirtalas boldy.