Jetisý oblysynda sońǵy úsh jylda aýyldyq jerlerde 12 mádeniet nysany ashyldy, sonyń biri jýyrda Kóksý aýdanynyń Musabek aýylynda qoldanysqa berildi, – dep habarlaidy Dalanews.kz
Qýanyshty sharaǵa Kóksý aýdanynyń ákimi Dáýlet Halelov pen Jetisý oblysynyń mádeniet, arhivter jáne qujattama basqarmasynyń basshysy Qýanysh Súleimenov qatysyp, aýyl turǵyndaryn jańa mádeniet ordasynyń ashylýymen quttyqtady.
Jańadan boi kótergen klýbtyń jalpy aýmaǵy 1200 sharshy metrdi quraidy. Onyń ishinde zamanaýi tehnologiialarmen jabdyqtalǵan 150 oryndyq kórermen zaly, kitaphanasy bar.
- Aýylymyzda jańa mádeniet nysanynyń ashylǵanyna óte qýanyshtymyz. 1990 jyldardyń basynan beri eldi mekende mundai mádeni nysan bolǵan joq. Bul – aýyl turǵyndary úshin úlken múmkindik. Endi ártúrli mádeni is-sharalar ótkizilip, jastar men balalar bos ýaqyttaryn tiimdi ótkize alady. Aýyldyń rýhani ómiri jandanady dep senemiz, - dep oi bólisti jergilikti turǵyn Sailaýbek Qonqaqov.
Jalpy Musabek aýyldyq okrýgin 1780 adam mekendese, sonyń ishinde Musabek aýylynda 1100 astam turady.
Atap ótsek, biyl oblysta 9 mádeniet úiiniń, 1 aýdandyq kitaphana qurylysy, 2 aýyldyq mádeniet úileriniń kúrdeli jóndeý jumystary júrgizilýde.
