Jetisý oblysynda prokýratýra bilim berý mekemelerinde balalardyń qaýipsizdigin qamtamasyz etýge qatysty 200-den astam buzýshylyqty anyqtady, dep habarlady Dalanews.kz.
Prokýratýranyń málimetinshe, Sarqan, Qaratal jáne Panfilov aýdandaryndaǵy 12 balabaqshanyń janyndaǵy jolda jaiaý júrginshiler ótkelderi men «Balalar» belgileri joq. Al Sarqan jáne Alakól aýdandaryndaǵy eki balabaqshanyń aýmaǵy tolyq qorshalmaǵan. Saldarynan mekeme aýmaǵyna bógde adamdardyń kedergisiz kirýine múmkindik berilgen.
Buǵan qosa Panfilov aýdanynyń 55 jeke balabaqshasynda "Shaqyrý dabyl túimesi" júiesi joq. 40 balabaqshada órt qaýipsizdigin habarlaý júiesi jumys istemeidi, al eki balabaqshada olar múldem bolmaǵan. Alakól, Eskeldi jáne Sarqan aýdandarynyń 7 balabaqshasynda beinebaqylaý kameralarynyń kópshiligi jumys istemeidi.
Aqsý, Sarqan aýdandary men Tekeli qalasynyń 9 balabaqshasy óz qyzmetin merzimi ótken sanitarlyq qorytyndylar negizinde iske asyrdy. Al keibir jaǵdailarda merzimi ótken meditsinalyq preparattar saqtalǵan. Aqsý aýdanynyń 8 balabaqshasynda ishek taiaqshalary tabyldy. Sondai-aq eńbek zańnamasynyń talaptaryna qaishy, oblystyń balabaqshalarynda buryn qylmys jasaǵany jaýapkershilikke tartylǵan 11 adam jumys istegen, – delingen prokýratýra habarlamasynda.
Sonymen qatar, prokýrorlar Kerbulaq aýdanynyń balabaqshalarynda jalpy somasy 25 mln teńgeden astam biýdjet qarajatyn jymqyrý faktilerin anyqtady. Olar boiynsha sotqa deiingi tergeý bastaldy.
Barlyq anyqtalǵan buzýshylyqtar boiynsha 22 qadaǵalaý aktisi engizildi. 40 adam ákimshilik jaýapkershilikke, 7 adam tártiptik jaýapkershilikke tartyldy, – delingen habarlamada.
