Jetisý oblysynda sýmen birge "erip ketken" joldarǵa jaýapty adam jazalandy

Saǵynysh Sardarova 01 naý. 2024 11:18 1622

Jetisý oblysynyń prokýrorlary qıraǵan joldy qalpyna keltirip, kináli laýazymdy adamdy jazalady, - dep habarlaıdy Dalanews.kz.

Sot úkimimen Jolaýshylar kóligi jáne avtomobıl joldary basqarmasynyń burynǵy basshysy qyzmettik ókilettigin asyra paıdalanǵany úshin sottaldy. Prokýrorlyq tekserý barysynda bul aýmaqta jóndeý jumystaryn júrgizý kezinde óreskel zańbuzýshylyqtar anyqtaldy.

2023 jyly erigen sý shaıyp ketip qıraǵan, Kerbulaq aýdany Malaısary beketine aparatyn jol qoǵama narazylyq týdyrǵan bolatyn.

Buǵan keıin arnaıy prokýrorlar Qylmystyq kodekstiń 361-babynyń 4-bóligi, 3-tarmaǵy boıynsha sotqa deıingi tergep-tekserýdi bastady.

Tergeý jumystary barysynda jobalyq-smetalyq qujattama jasalmaǵany jáne saraptama júrgizilmegeni anyqtaldy.

Sonyń saldarynan sýdyń syıymdylyq qýaty eseptelmegen, jumys sapasy qamtamasyz etilmeı, joldyń buzylýyna ákep soqqan.

Memleketke keltirilgen shyǵyn 22 mıllıon teńgeden asyp ketken.

Jaýapty adam kinásin moıyndaǵan, sottalýshynyń jasy eskerilgen jáne keltirilgen zıandy tolyq ótelgen.


Usynylǵan
Sońǵy jańalyqtar
x