Jetisý oblysynda prokýratýra kásipkerdiń qyzmetine zańsyz aralasqan sheneýniktiń áreketin toqtatty, dep habarlaidy Dalanews.kz.
Qadaǵalaýshy organnyń málimetinshe, oqiǵa Panfilov aýdanynda oryn alǵan. Atalǵan aýdandaǵy ákimniń orynbasary “Úrker” JShS-ne Jarkent qalasyndaǵy jumys istep turǵan avtovokzaldy qaladan tys aýmaqqa kóshirý týraly talappen hat joldaǵan.
Prokýratýra júrgizgen monitoring pen tekserý nátijesinde bul áreketterdiń zań talaptaryna qaishy keletini jáne kásipkerlik qyzmetke kedergi keltiretini anyqtalǵan.
"Laýazymdyq ókilettigin asyra paidalanyp, bizneske zańsyz aralasqany úshin atalǵan sheneýnik Ákimshilik quqyq buzýshylyq týraly kodekstiń 173-baby boiynsha jaýapkershilikke tartyldy. Oǵan 190 myń teńgeden astam kólemde aiyppul salyndy", – delingen Jetisý oblysy prokýratýrasynyń habarlamasynda.
Kásipkerdiń quqy tolyqtai qalpyna keltirildi.
