Jetisý oblysynda ormanshylar brakonerlikpen ainalysqan, dep habarlaidy Dalanews.kz.
Orman sharýashylyǵy qyzmetkerleri qyzmettik kólikpen zańsyz ańshylyq jasaǵan.
2024 jyldyń qyrkúiek aiynda Úshtóbe orman sharýashylyǵynyń úsh qyzmetkeri men Jetisý oblysynyń bir turǵyny qyzmettik ÝAZ kóligimen ańshylyqqa shyqqan.
Olardyń qurbany Qazaqstannyń Qyzyl kitabyna engen jeiran boldy.
"Sot barlyq kúdiktilerdi "zańsyz ańshylyq" baby boiynsha kináli dep tanyp, úsh jylǵa bas bostandyǵyn shekteý jazasyn taǵaiyndady", dep habarlady Jetisý oblysynyń prokýratýrasy.
Sottalǵandar jeirandy óltirgeni úshin 7 million teńge kóleminde zalaldy ótedi.
