Jetisý oblysy qurylǵannan beri óńirde áleýmettik infraqurylymdardyń jai-kúii edáýir jaqsartylyp, áleýmettik nysandardy jańartý 52%-ǵa jetti. Osy oraida 15 jańa mektep salynyp, iske qosyldy. Sonyń nátijesinde beiimdelgen mektepter sany 69-dan 39-ǵa deiin qysqardy. Al biyl 1080 oryndy 4 mektep paidalanýǵa beriledi dep josparlanǵan, dep habarlaidy Dalanews.kz
Oblysta úsh aýysymdy mektepter joq, degenmen oqýshy oryndarynyń jetispeýshiliginiń aldyn alý maqsatynda zamanaýi materialdyq-tehnikalyq bazamen jadyqtalǵan jańa mektepter salý kezeń-kezeńimen júzege asyrylýda.
Máselen, oblys qurylǵaly beri 5310 oryndy 15 mektep jańadan salynyp, paidalanýǵa berildi. Atap aitqanda, Aqsý, Sarqan, Qaratal aýdandary men Taldyqorǵan qalasynda 2 mektepten, Kóksý aýdanynda 3 mektep, Panfilov aýdanynda 4 mektep turǵyzyldy. Onyń ishinde Jarkent qalasyndaǵy «Jaily mektep» ulttyq jobasymen salynǵan 1200 oryndy mektep te bar. Sonymen qatar bul jańa qurylystar beiimdelgen mektepter máselesin sheshýge yqpal etip, nátijesinde atalǵan mektepter sany 69-dan 39-ǵa deiin qysqardy. Solardyń biri Sarqan aýdany Birlik aýylynda salyndy.
- Mektebimiz óte keń, eski ǵimaratta eki aýysymmen oqysaq, jańa mektepte bir aýysymmen oqimyz, al tústen keiin mektepke qosymsha úiirmelerge kelemiz. Mektepte májilis zaly, ashana, sport zal, zamanaýi pán kabinetteri — bári bar. Himiia, biologiia, fizika siiaqty kabinetterde qajetti quraldarmen jabdyqtalǵan zerthanalarmen jumys isteýge múmkindik aldyq. Burynǵy eski mekteptiń stadionynda gazon alańy bolmaǵandyqtan, jańbyr jaýǵanda batpaq bolyp jatatyn da ondai kezde balalar voleibol, basketbol, fýtbol oinai almaityn. Qazir munda alańsyz bilim alýǵa, dene shynyqtyrýǵa barlyq múmkindik jasalǵan, - deidi Birlik orta mektebiniń 10 synyp oqýshysy Dilnaz Tólepbergen.
Buǵan qosa biyl 13 bilim berý nysannyń qurylysy júrgiziledi. Sonyń ishinde jyl sońyna deiin Alakól aýdany Dostyq aýylynda «Jaily mektep» jobasymen, sol siiaqty Aqsý aýdany Kóltaban aýylynda, Panfilov aýdany Lesnovka aýylynda, Kerbulaq aýdany Kóksai aýylynda jalpy sany 1080 oryndy 4 jańa mektep iske qosylady.
Eske salsaq, óńirlerdegi jańa mektepter qurylysyna el Prezident oń baǵa berip, Taldyqorǵandaǵy Yntymaq aýylyndaǵy mektepti úlgi retinde atap kórsetken bolatyn.
Jalpy, óńirde úsh jylda 270 áleýmettik nysan jańadan salynyp, jóndeldi, sonyń nátijesinde bilim salasy nysandaryn jańartý 41,2% jetti.
Sonymen qatar bilim salasynyń materialdyq-tehnikalyq bazasyn jaqsartýmen qatar oqýshylardyń tárbiesine de erekshe mán berilip otyr. Osy oraida oblys ákiminiń bastamasymen óńirde «nyńsyalizov dlia snijeniia ýrovniÁdep-quqyq jumysy jónindegi mentor jobasy» qolǵa alynyp, búginde mektepterde 108 mentor jumys isteidi. Olar balalar men jasóspirimderdiń quqyqtary men mindetteri, nashaqorlyq pen lýdomaniianyń, býlling pen kiberbýllingtiń, salaýatty ómir salty, mamandyq tańdaý jáne kásiptik baǵdarlaý, kreativti oilaý, qarjylyq saýattylyq siiaqty 9 baǵytta táribe jumysyn júrgizip otyr. Sonyń nátijesinde 2023-2024 oqý jylynyń qorytyndysy boiynsha oblystyq politsiia departamentiniń deregine sáikes Panfilov aýdanynda jasóspirimder qylmysy 4,4 esege, Taldyqorǵan qalasy aýmaǵynda 4,3 esege deiin tómendegen.
