Jetisý oblysynda áielge jasalǵan shabýyl deregi boiynsha sotqa deiingi tergeý bastaldy, dep habarlaidy Dalanews.kz.
Oblystyq politsiia departamentiniń baspasóz qyzmetiniń málimetinshe, atalǵan oqiǵa boiynsha densaýlyqqa ziian keltirý faktisi negizinde qylmystyq is qozǵalǵan.
"Qazirgi ýaqytta oqiǵanyń barlyq mán-jaiyn jan-jaqty, tolyq ári obektivti anyqtaýǵa baǵyttalǵan qajetti tergeý amaldary júrgizilýde", – delingen resmi habarlamada.
Kúdikti ýaqytsha ustaý izoliatoryna qamaldy. Qylmystyq-protsestik kodekstiń 201-babyna sáikes, tergeý múddesine bailanysty ózge aqparat jariialanbaidy.
Aita keteiik, buǵan deiin Sýyqsai aýylynda mas er adam ambýlatoriia meńgerýshisin kúrekpen uryp, áiel aýyr jaraqatpen aýrýhanaǵa túsken edi.
