Muny Oblystyq politsiia departamentiniń baspasóz qyzmeti rastady.
«15 qańtar kúni saǵat 15:25-te Alakól aýdandyq politsiia bólimine Úsharal qalasynda turǵyzylyp jatqan nysandardyń birinde ishimdik ishken azamat jumysshylarǵa tiisip jatqany týraly habarlama tústi. Politseiler kúdikti 24 jastaǵy jergilikti turǵynnyń jumysshylardy qorǵamaqshy bolǵan 34 jastaǵy er adamdy pyshaqtap, oqiǵa ornynan qashyp ketkenin anyqtady», – dep habarlady politsiia.
Qońyraý túskennen keiin bes minýt ishinde oqiǵa ornyna jetken politsiia qyzmetkerleri kúdiktini ustady. Alaida jábirlenýshi alǵan jaraqatynan jedel járdem kóliginde kóz jumdy. Ustalǵan kúdikti Alakól aýdandyq politsiia bóliminiń ýaqytsha ustaý izoliatoryna qamaldy. Atalǵan fakti boiynsha qylmystyq is qozǵalyp, qajetti saraptamalar taǵaiyndaldy.
Tergeý múddesine sai basqa aqparat jariia etilmeidi.
