مۇنى وبلىستىق پوليتسييا دەپارتامەنتٸنٸڭ باسپاسٶز قىزمەتٸ راستادى.
«15 قاڭتار كٷنٸ ساعات 15:25-تە الاكٶل اۋداندىق پوليتسييا بٶلٸمٸنە ٷشارال قالاسىندا تۇرعىزىلىپ جاتقان نىسانداردىڭ بٸرٸندە ٸشٸمدٸك ٸشكەن ازامات جۇمىسشىلارعا تيٸسٸپ جاتقانى تۋرالى حابارلاما تٷستٸ. پوليتسەيلەر كٷدٸكتٸ 24 جاستاعى جەرگٸلٸكتٸ تۇرعىننىڭ جۇمىسشىلاردى قورعاماقشى بولعان 34 جاستاعى ەر ادامدى پىشاقتاپ, وقيعا ورنىنان قاشىپ كەتكەنٸن انىقتادى», – دەپ حابارلادى پوليتسييا.
قوڭىراۋ تٷسكەننەن كەيٸن بەس مينۋت ٸشٸندە وقيعا ورنىنا جەتكەن پوليتسييا قىزمەتكەرلەرٸ كٷدٸكتٸنٸ ۇستادى. الايدا جەبٸرلەنۋشٸ العان جاراقاتىنان جەدەل جەردەم كٶلٸگٸندە كٶز جۇمدى. ۇستالعان كٷدٸكتٸ الاكٶل اۋداندىق پوليتسييا بٶلٸمٸنٸڭ ۋاقىتشا ۇستاۋ يزولياتورىنا قامالدى. اتالعان فاكتٸ بويىنشا قىلمىستىق ٸس قوزعالىپ, قاجەتتٸ ساراپتامالار تاعايىندالدى.
تەرگەۋ مٷددەسٸنە ساي باسقا اقپارات جارييا ەتٸلمەيدٸ.
