Jetisý oblysynda kásiporynnyń burynǵy dırektory memlekettik sýbsıdıalardy jymqyrǵany úshin sottaldy, dep habarlaıdy Dalanews.kz.
Sot úkimimen «Alakóljylý» SHJQ MKK burynǵy dırektory 100 mln teńgeden astam búdjet qarajatyn jymqyrǵany úshin 7 jyl 6 aıǵa bas bostandyǵynan aıyryldy. Qatty kómirdi satyp alýǵa bólingen qarajatty jymqyrý komýnaldyq kásiporyn basshysymen affılıırlengen kompanıa arqyly jasalǵan, - delingen prokýratýra aqparatynda.
Bul faktty arnaıy prokýrorlar anyqtap, tergep-tekserdi.
Úkim zańdy kúshine engen joq.
