Jańa baǵyt, jańa talap, ózge qoǵam. Bunyń barlyǵy memlekettik istegi ózgeristerdi talap etedi. Bási áste joǵary, qyzmettegi talaby tym biik salanyń sýyǵyna tońyp, otyna kúietinder neken-saiaq. Olai deýge negizde joq emes. Qazaqstan Respýblikasy memlekettik qyzmet isteri agenttiginiń Almaty oblysy boiynsha departamentiniń basshysy Lázzat Beisequlovanyń keltirgen derekterine súiensek, 2021 jyly Memlekettik qyzmetke turǵan 230 adamnyń 34-i bir jylǵa jeter-jetpes ýaqytta óz erikterimen jumystan ketken. Basty sebep, memlekettik qyzmetkerge qoiylar talap.
– Memlekettik qyzmetke kelip, basqa salada jumys jasaýdy qup kórip jatady. Sondai-aq, jalaqynyń tómendigi jáne otbasylyq mán-jailar. Bul jas kadrlardyń memlekettik qyzmetshilerdiń iyǵyna túsetin talaptarǵa, shekteýlerge jáne jaýapkershilikke daiyn emestigin kórsetedi. Qazirgi zamanǵy memlekettik qyzmetshi stresske ornyqtylyq, bastamashyldyq, jaýapkershilik, parasattylyq, jedeldilik siiaqty quzyretterge ie bolýy kerek, iaǵni básekege qabiletti bolýy tiis, – deidi QR Memlekettik qyzmet isteri agenttiginiń Almaty oblysy boiynsha departamentiniń basshysy Lázzat Beisequlova.
Departament basshysynyń atap ótken máseleleriniń sheshimin tabýdyń bir joly – «Jetisý» – «Memlekettik qyzmet mektebi» bolyp tabylady.
Memlekettik qyzmetke óziniń bolashaq ómiri men mansabyn memlekettik qyzmetpen bailanystyratyn adamdar kelýi tiis. Óitkeni, Memlekettik qyzmet-bul jai jumys, emes-bul kásip. Sondyqtan, jastar Memlekettik qyzmet mektebin bitirip, onda memlekettik qyzmetshilerge qoiylatyn talaptardy igerip, shekteýler týraly túsinikti sanalaryna túiip kelýi tiis. Osy turǵysynda, «Jetisý» – «Memlekettik qyzmet mektebiniń» jumysy orasan zor ról oinamaq.
Jalpy atalǵan jobanyń júzege asqanyna 3 jyldan asty. Osy ýaqytta 84 stýdent bilim alyp, onyń 50% - dan astamy memlekettik qyzmetke ornalasty.
Nátijeli jumysty odan ári jalǵastyrý ońtaily sheshim. Sol sebepti, ýaqyttyń jańa talaptaryna sáikes, engizilgen ózgeristermen Departament, Memlekettik qyzmet akademiiasynyń filialy, Bilim basqarmasy jáne oblystyń Ishki saiasat basqarmasy arasynda tórt jaqty memorandýmǵa aldaǵy úsh jyl birge jumys jasamaqqa qol qoidy. Endigi jumystyń sipaty da ózgermek. Eger buryn mektep stýdentteri úshin sabaqtar I. Jansúgirov atyndaǵy ýniversitette ótken bolsa, budan bylai sabaqtar QR Prezidenti janyndaǵy Memlekettik basqarý akademiiasynyń Almaty oblysy filialynyń ǵimaratynda ótedi, onda sapaly jáne tiimdi sabaqtardy ótkizý úshin barlyq qajettiliktermen jabdyqtalǵan.
«Jetisý» mektebiniń oqytýshylar quramy Akademiia filialynyń úzdik oqytýshylary men lektorlarynan quralǵan. Olar óz kezeginde tájiribelerimen bólisip, memlekettik qyzmette baǵyn synaǵysy keletinin jastarǵa baǵyt-baǵdar beredi. Oqý barysy teoriia men praktikaǵa negizdeledi. Akademiia qabyrǵasynda bilim alǵandar aldaǵy tańda tájiribe almasý úshin oblystaǵy memlekettik mekemelerden is-tájiribeden ótedi. Bul olarǵa tez beiimdelýge jáne halyqqa qyzmet etýge kirisýge múmkindik beredi.
