Kezdesýge QR Kógaldaǵy hokkei Federatsiiasynyń vitse-prezidenti Berikqazy Seksenbaev, Almaty oblysy máslihatynyń hatshysy Sultan Dúisenbinov, oblystyq deneshynyqtyrý jáne sport basqarmasynyń basshysy Turatbek Sharapiev, «Besarys» kásipqoi hokkei klýbynyń músheleri jáne BAQ ókilderi qatysty.
Aita keteiik, kógaldaǵy hokkei oinaityn alań Respýblika boiynsha birinshi bolyp Taldyqorǵanda salynǵan bolatyn. Nysan halyqaralyq standarttyń barlyq talabyna jaýap beredi. Al stadionnyń «Jetisý» jerinde boi kóterýine Qazaqstannyń kógaldaǵy jáne indoor hokkei federatsiiasynyń prezidenti, Parlament Májilisiniń depýtaty Serik Úmbetovtiń qosqan eńbegi zor.
Sońǵy jyldarda Almaty oblysynda kógaldaǵy hokkei jaqsy damyp keledi. Taldyqorǵannyń «Besarys» klýby Qazaqstan birinshiliginiń birneshe dúrkin jeńimpazy atansa, indorhokkeiden áielder komandasy Aziianyń úsh dúrkin chempiony atandy.
Keleli kezdesýdi ashyp, júrgizgen Qazaqstan Respýblikasynyń kógaldaǵy jáne indoor hokkei federatsiiasynyń prezidenti Serik Úmbetov qazaqstannyń kógaldaǵy hokkei boiynsha ulttyq quramasynyń negizgi oiynshylary Almaty oblysynan shyqqan sportshylar ekenin, al 2011 jyly Taldyqorǵanda qurylǵan «Besarys» klýby Qazaqstan men Aziianyń birneshe dúrkin chempiondary bolyp tabylatynyn tilge tiek etti.
– Elbasy óz Joldaýynda qazaqstandyqtardyń keminde 30 paiyzy buqaralyq sportpen shuǵyldanýy tiistigin aitqan bolatyn. Taldyqorǵan qalasyndaǵy kógaldaǵy hokkei oinaityn alańnyń boi kóterýi Elbasynyń buqaralyq sportty damytý talabyn oryndaýdyń basty belgisi bolyp tabylady. Al óskeleń urpaqty salaýatty ómir saltyna tárbieleýde sporttyń paidasy zor, – dedi Serik Ábikenuly.
Almaty oblysy boiynsha búgingi kúni 300-ge tarta er jáne qyz bala kógaldaǵy hokkeimen ainalysady.
Kezdesýde kógaldy hokkeidiń úzdik sportshylary oblys ákiminiń Qurmet gramotasy jáne Alǵys hattarymen marapattaldy.
