Búginde Túrkistan oblysyna qarasty Jetisaı aýdanynda ındýstrıaldy ınvestısıalyq aımaq qurý jumystary jalǵasýda. Ázirge jer telimi izdestirilip, birqatar jobalardy iske asyrý josparlanýda. Atap aıtsaq, aýdanda sút óńdeý zaýyttarynyń sanyn artyp, jeltoqsan aıynyń sońyna deıin Qaraqaı aýyldyq okrýginen sútti qaıta óńdeý sehy ashyldy.

Atalǵan jobanyń quny 100 myń AQSH dollaryn quraıdy. Qazir munda Túrkıadan ákelingen qural-jabdyqtar ornatylǵan. Jergilikti mamandar arnaıy oqýdan ótip, iske qosý jumystaryna daıyndalýda. Nátıjesinde  Jetisaı aýdanynda sút óńdeıtin eki kásiporyn bolady. Onyń birinshisi – Asyqata kentinde burynnan jumys istep keledi. «Aq altyn Bereke» JSHS-gi 2008 jyly qurylǵan. Kásiporyn jylyna 400 tonna sút ónimderin óńdeıdi. 20 adam turaqty jumyspen qamtylǵan. Ónimderi negizinen oblys aýmaǵynda saýdalanady. Sút zaýytyna qajetti sútterde aýdandaǵy aýyl-aımaqtardan jınalady. Bul óz kezeginde aýyl halqynyń áleýmettik jaǵdaıynyń jaqsarýyna azda bolsa septesetini anyq. Bul jaıynda aýdan ákimi Jamantaı Beısenbaev Túrkistan qalasynda jýrnalısermen kezdesýinde egjeı-tegjeıli aıtyp berdi.