Sharanyń ashylý saltanatyna Jetisai aýdany ákiminiń orynbasary Maqsat Joldasbekov, aýdandyq «Jastar resýrstyq» ortalyǵynyń direktory Muhtar Beisenbaev, aýdandyq bilim bólimi basshysynyń ýaqytsha mindetin atqarýshy Tursynbai Myrzaliev jáne BAQ ókilderi qatysty.
Sharada sóz alǵan aýdan ákiminiń orynbasary Maqsat Joldasbekov atalǵan saiystyń Elbasy Joldaýyn qoldaý maqsatynda iske asyrylyp otyrǵanyna toqtaldy.
«Týristik kópsaiystyń maqsaty – balalar men jasóspirimder arasynda sporttyq týrizm tásilderin nasihattap, jas týristerdiń eptilik, daǵdylaryn shyńdaý. Sporttyq sharaǵa 9 bilim uiasynyń oqýshylary men 2 orta arnaýly oqý oryndarynyń stýdentteri qatysyp, 5 negizgi taqyryp boiynsha ózara baq synaidy. Jeńimpazdarǵa baǵaly syilyqtar men arnaiy diplomdar tartý etetin bolamyz», — deidi is-sharany uiymdastyrýshylardyń biri – Jetisai aýdandyq «Jastar resýrstyq» ortalyǵynyń direktory Muhtar Beisenbaev.
Saiys óte tartysty bastaldy. Qatysýshylar toptyq jarys, úi tapsyrmasyn oryndaý, jergilikti jerdi baǵdarlaý, týristik án, týristik turmys talaptary boiynsha jarys kórigin qyzdyrdy.
