شارانىڭ اشىلۋ سالتاناتىنا جەتىساي اۋدانى اكىمىنىڭ ورىنباسارى ماقسات جولداسبەكوۆ، اۋداندىق «جاستار رەسۋرستىق» ورتالىعىنىڭ ديرەكتورى مۇحتار بەيسەنبايەۆ، اۋداندىق ءبىلىم ءبولىمى باسشىسىنىڭ ۋاقىتشا مىندەتىن اتقارۋشى تۇرسىنباي مىرزالييەۆ جانە ب ا ق وكىلدەرى قاتىستى.
شارادا ءسوز العان اۋدان اكىمىنىڭ ورىنباسارى ماقسات جولداسبەكوۆ اتالعان سايىستىڭ ەلباسى جولداۋىن قولداۋ ماقساتىندا ىسكە اسىرىلىپ وتىرعانىنا توقتالدى.
«تۋريستىك كوپسايىستىڭ ماقساتى – بالالار مەن جاسوسپىرىمدەر اراسىندا سپورتتىق تۋريزم تاسىلدەرىن ناسيحاتتاپ، جاس تۋريستەردىڭ ەپتىلىك، داعدىلارىن شىڭداۋ. سپورتتىق شاراعا 9 ءبىلىم ۇياسىنىڭ وقۋشىلارى مەن 2 ورتا ارناۋلى وقۋ ورىندارىنىڭ ستۋدەنتتەرى قاتىسىپ، 5 نەگىزگى تاقىرىپ بويىنشا ءوزارا ب ا ق سىنايدى. جەڭىمپازدارعا باعالى سىيلىقتار مەن ارنايى ديپلومدار تارتۋ ەتەتىن بولامىز»، — دەيدى ءىس-شارانى ۇيىمداستىرۋشىلاردىڭ ءبىرى – جەتىساي اۋداندىق «جاستار رەسۋرستىق» ورتالىعىنىڭ ديرەكتورى مۇحتار بەيسەنبايەۆ.
سايىس وتە تارتىستى باستالدى. قاتىسۋشىلار توپتىق جارىس، ءۇي تاپسىرماسىن ورىنداۋ، جەرگىلىكتى جەردى باعدارلاۋ، تۋريستىك ءان، تۋريستىك تۇرمىس تالاپتارى بويىنشا جارىس كورىگىن قىزدىردى.
