Jetisaida aǵyn sý tapshylyǵynyń aldyn alý sharalary kúsheitilýde
Budan bólek, «MASh» kanalǵa Syrdariia ózeninen mashinalyq nasostyq stantsiia kómegimen sekýndyna 27,50 tekshe metr aǵyn sý tartylýda. Bul kólem maqtashylardyń aǵyn sýǵa degen suranysyn tolyq qanaǵattandyra almaidy. Osy túitkildiń túiinin tarqatý maqsatynda Jetisai aýdanynyń ákimdigi Qaraǵandy oblysynan arnaiy kanal tazalaǵysh «Draglain» jyljymaly tehnikasyn aldyrtyp, «MASh» kanal ultanyn tazartý jumystaryn bastap jiberdi. Bul týraly Jetisai aýdany ákiminiń baspasóz qyzmeti habarlady.
Jetisai aýdanynyń ákimi Jamantai Beisenbaev táýligine 100-150 metr kanal ultanyn tazalaýǵa múmkindigi bar tehnikanyń jumysymen tanysyp, nasostyq stantsiianyń mamandaryna naqty tapsyrmalar júktedi.
«Draglain» jyljymaly tehnikasynyń jumysqa kiriskenine búgin ekinshi kún. «MASh» kanalǵa aǵyn sý tartatyn kanaldyń ultanyn tazartý jumystary endi ǵana qarqyn ala bastapty. Aýdan ákimi arnaiy tehnikanyń toqtaýsyz jumys isteýine barlyq jaǵdaidy jasaý qajettigin eskertti.
«Aýdanymyzda aǵyn sý tapshylyǵy sezile bastady. Qazirgi tańda maqta egistik alqaptarynyń aǵyn sýdy naǵyz qajet etip otyrǵan shaq. Sondyqtan arnaiy tehnikanyń jumysyna kedergi keltirmei, kerisinshe qolǵabys jasap, Syrdariia ózeninen tartylǵan kanaldyń ultanyn tazartyp alýymyz qajet. Bul bizge «MASh» kanaldaǵy aǵyn sý aǵynyn jyldamdatyp, qajetti aǵyn sý kólemin paidalanýymyzǵa septigin tigizedi», - dedi Jamantai Qanaiuly.
Munan soń aýdan ákimi «MASh» kanal basynda ornalasqan №1, № 2, №3 nasostyq stantsiialardyń jumysymen tanysyp, kútip, baptap ustaýǵa tiisti tapsyrmalar berdi.
