جەتٸسايدا اعىن سۋ تاپشىلىعىنىڭ الدىن الۋ شارالارى كٷشەيتٸلۋدە
بۇدان بٶلەك, «ماش» كانالعا سىردارييا ٶزەنٸنەن ماشينالىق ناسوستىق ستانتسييا كٶمەگٸمەن سەكۋندىنا 27,50 تەكشە مەتر اعىن سۋ تارتىلۋدا. بۇل كٶلەم ماقتاشىلاردىڭ اعىن سۋعا دەگەن سۇرانىسىن تولىق قاناعاتتاندىرا المايدى. وسى تٷيتكٸلدٸڭ تٷيٸنٸن تارقاتۋ ماقساتىندا جەتٸساي اۋدانىنىڭ ەكٸمدٸگٸ قاراعاندى وبلىسىنان ارنايى كانال تازالاعىش «دراگلاين» جىلجىمالى تەحنيكاسىن الدىرتىپ, «ماش» كانال ۇلتانىن تازارتۋ جۇمىستارىن باستاپ جٸبەردٸ. بۇل تۋرالى جەتٸساي اۋدانى ەكٸمٸنٸڭ باسپاسٶز قىزمەتٸ حابارلادى.
جەتٸساي اۋدانىنىڭ ەكٸمٸ جامانتاي بەيسەنباەۆ تەۋلٸگٸنە 100-150 مەتر كانال ۇلتانىن تازالاۋعا مٷمكٸندٸگٸ بار تەحنيكانىڭ جۇمىسىمەن تانىسىپ, ناسوستىق ستانتسييانىڭ ماماندارىنا ناقتى تاپسىرمالار جٷكتەدٸ.
«دراگلاين» جىلجىمالى تەحنيكاسىنىڭ جۇمىسقا كٸرٸسكەنٸنە بٷگٸن ەكٸنشٸ كٷن. «ماش» كانالعا اعىن سۋ تارتاتىن كانالدىڭ ۇلتانىن تازارتۋ جۇمىستارى ەندٸ عانا قارقىن الا باستاپتى. اۋدان ەكٸمٸ ارنايى تەحنيكانىڭ توقتاۋسىز جۇمىس ٸستەۋٸنە بارلىق جاعدايدى جاساۋ قاجەتتٸگٸن ەسكەرتتٸ.
«اۋدانىمىزدا اعىن سۋ تاپشىلىعى سەزٸلە باستادى. قازٸرگٸ تاڭدا ماقتا ەگٸستٸك القاپتارىنىڭ اعىن سۋدى ناعىز قاجەت ەتٸپ وتىرعان شاق. سوندىقتان ارنايى تەحنيكانىڭ جۇمىسىنا كەدەرگٸ كەلتٸرمەي, كەرٸسٸنشە قولعابىس جاساپ, سىردارييا ٶزەنٸنەن تارتىلعان كانالدىڭ ۇلتانىن تازارتىپ الۋىمىز قاجەت. بۇل بٸزگە «ماش» كانالداعى اعىن سۋ اعىنىن جىلدامداتىپ, قاجەتتٸ اعىن سۋ كٶلەمٸن پايدالانۋىمىزعا سەپتٸگٸن تيگٸزەدٸ», - دەدٸ جامانتاي قانايۇلى.
مۇنان سوڭ اۋدان ەكٸمٸ «ماش» كانال باسىندا ورنالاسقان №1, № 2, №3 ناسوستىق ستانتسييالاردىڭ جۇمىسىمەن تانىسىپ, كٷتٸپ, باپتاپ ۇستاۋعا تيٸستٸ تاپسىرمالار بەردٸ.
