Shara maqsaty – aımaqtaǵy jastar arasynda shyǵarmashylyq qarym-qatynas ornatý, tájirıbe almasý úshin jaǵdaı jasaý, jastardyń shyǵarmashylyq áleýetin kóterý.
– Shra oblysymyzda 25-ke jýyq alań uıymdastyrylady. Alańda Almaty oblysynyń qalalary men óńirlerinen keletin 100 dombyrashylar belgili kúıshi-kompozıtorlardyń kúılerin oryndasa, joǵary jyldamdyqpen avtokólikterde júrýdi qalaıtyndar úshin arnaıy kartıń alańy jasaqtaldy. Al, World Wood aǵash sheberhanasynyń ókilderi jumystaryn festıvál konaqtaryna tartý etedi. Sondaı-aq festıvál qonaqtary kórmede unaǵan buıymdardy satyp alýǵa bolady, – deıdi Jastar saıasaty máseleleri basqarmasynyń basshysy Erlan Jaqypov.
Sonymen qatar Qaratal ózeniniń jaǵalaýynda kıiz úı ornatylady. Kórmege kelýshiler qazaqtardyń jınalmaly, jyljymaly úıiniń qurylymymen, ishki jıhazdaryn tamashalap, qazaqy dastarhannan dám tatatyn bolady.
12 qanatty kıiz úıde M. Tynyshpaev atyndaǵy oblystyq tarıhı-ólketaný murajaıy qorynyń jádigerleri nazarǵa usynylsa,etnoaýyl alańynda altybaqan ornatylyp, qala turǵyndary qazaqtyń 7 qazynasy -júırik at, qyran búrkit, qumaı tazymen sýretke túse alady.
2018 jyldyń 15 shildesinen bastap qala jastary arasynda zamanaýı óner túrlerinen baıqaý uıymdastyrylǵan bolatyn. İrikteý kezeninen ótken 18 qatysýshy «Jetisý Style» festıvaliniń fınaldyq kezende baq synasady. 2 adamnan turatyn 5 komanda K-POP baǵytynda baq synasady.
Sharanyń eń qyzyqtysy «JetisýHand made» sheberleriniń kórme-saýdasy bolmaq. Kórmege 50- ge jýyq qolóner sheberleriniń týyndylary qoıylady.
Atalmysh sharadaNurlan Jartybekovtoqyma toqýdan rekord jańartpaqshy.
– Uıymdastyrylyp otyrǵan sharaǵa qatysyp, Qazaqstan rekordtar kitabynyń tizimine engim keledi. Ol úshin úsh táýlik boıy esh kóz ilmesten uzyndyǵy 30 sm bolatyn jibek moıyn oraǵyshyn toqımyn. Álemdik rekordta Brazılıalyq azamat 62 saǵat toqyma toqysa, men 72 saǵat otyryp rekordty jańartqym keledi, – deıdi shara qatysýshysy.
Aıta keteıik, Nurlan Jartybekov toqyma toqýdy 13 tamyz kúni jastarǵa qyzmet kórsetý ortalyǵynda bastady. Nátıjesi 16 tamyzda «Jetisý Style» festıvalinde anyq bolady.Sondaı-aq festıvaldiń basty qonaǵy bolyp, jastar arasynda keńinen tanylǵan juldyzdar «Raim men Artur» óner kórsetpek.10 anımator, 4 kospleı jáne «Zolotoı sırk Sıbırı» keıipkerlerinen quralǵan ónerbazdar búldirshinderge tamasha kúı syılaıtyn bolady.
Baljan Jumanbekova
