Astanada balalardy Ispaniiadaǵy halyqaralyq fýtbol týrnirine aparýdy uiymdastyramyz dep, ata-analardan 24 mln teńgeden astam aqsha alǵan adam sottaldy, dep habarlaidy dalanews.kz.
Astana qalasy prokýratýrasynyń málimetinshe, sottalǵan adam ata-analarǵa jas fýtbolshylardyń Ispaniiaǵa «barlyǵy qamtylǵan» formatta baratynyn aitqan. Ol týrnirge qatysý, áýe biletterin alý, viza rásimdeý, balalardy alyp júrý jáne sporttyq kiim satyp alý úshin aqsha jinaǵan. Alaida alǵan mindettemelerin oryndamai, qarajatty óz qajetine jumsaǵan.
Is boiynsha 9 adam jábirlenýshi dep tanylǵan. Olarǵa keltirilgen jalpy materialdyq zalal 24 mln teńgeden asqan.
Sot úkimimen alaiaq 3 jyl 2 aiǵa bas bostandyǵynan aiyryldy. Keltirilgen zalal tolyq kólemde óndirildi.
Prokýratýra ata-analarǵa balalaryn sheteldegi sporttyq jarystarǵa jibermes buryn uiymdastyrýshylardyń ókilettigin, týrnirge resmi shaqyrýdy, kelisimsharttardy, áýe biletteri men brondy rastaityn qujattardy muqiiat tekserýge keńes berdi.
