Almaty qalasynyń Naýryzbai aýdanynda aýmaǵy bir gektar bolatyn jańa qoǵamdyq keńistik qurylyp jatyr. Saiabaq otbasylyq demalysqa, serýendeýge jáne ár jastaǵy turǵyndardyń bos ýaqytyn tiimdi ótkizýine arnalǵan. Ol attraktsiondar parki Alem park-tyń janynda ornalasqan, dep habarlaidy dalanews.kz.
Jańa demalys aimaǵynyń qurylatyny týraly Naýryzbai aýdanynyń ákimi Nazira Toǵyzbaeva Óńirlik kommýnikatsiialar qyzmetiniń brifinginde málimdedi.
Jobada kógaldandyrýǵa erekshe kóńil bólingen. Saiabaq aýmaǵyna 200 iri kólemdi aǵash, 85 qylqan japyraqty aǵash, shamamen 30 myń buta jáne 1,5 myń raýshan gúli otyrǵyzylady.
Turǵyndarǵa qolaily bolý úshin jaiaý júrginshiler joldary, oryndyqtar jáne jaryqtandyrý júiesi qarastyrylǵan. Jasyl jelekterdiń jaǵdaiyn turaqty kútip-baptaý avtomattandyrylǵan sýarý júiesi arqyly qamtamasyz etiledi.
Jańa demalys aimaǵynda fontan, «Otbasy» kompozitsiiasy, pergolalar jáne balalarǵa arnalǵan oiyn alańy da paida bolady. Osylaisha, keńistik otbasylyq demalysqa, serýendeýge jáne tynysh ýaqyt ótkizýge qolaily bolady.
Jobanyń júzege asyrylýy Naýryzbai aýdanynda abattandyrylǵan jańa demalys aimaǵyn qurýǵa jáne turǵyndarǵa arnalǵan kógaldandyrylǵan qoǵamdyq keńistikterdiń sanyn arttyrýǵa múmkindik beredi.
