Áleýmettik jelide Mańǵystaý oblysy Jetibaı aýylynyń jumyssyz turǵyndarynyń beıneúndeýi tarap jatyr. Onda jınalǵandar bılikten "Westoil Software" kompanıasynda jumystan shyqqan qyzmetkerlerdiń ornyna ózderin jumysqa ornalastyrýdy talap etip otyr, - dep habarlaıdy Dalanews.kz.
"Biz "Westoil Software" kompanıasyndaǵy bos oryndarǵa jumyssyzdar arasynan Jetibaı aýylynyń turǵyndary jumysqa ornalasýyn talap etemiz", - deıdi olar beıneúndeýde.
Búgin "Westoil Software" kompanıasynyń basshylyǵy zańsyz ereýil bastalǵan sátten keıin kompanıa 900 000 000 teńgege shyǵynǵa ushyraǵanyn málimdedi. Qyzmetkerlerge 24 aqpanǵa deıin jumysqa oralý usynyldy, áıtpese kompanıa olarmen eńbek shartyn buzýǵa jáne Mańǵystaý oblysynyń Qaraqıa jáne basqa da aýdandarynda jumysqa ornalasýǵa kezekte turǵan azamattar arasynan jumyssyzdardy jumysqa ornalastyrýǵa májbúr bolady.
Kompanıa málimetinshe, 94 qyzmetker zańsyz ereýilge qatysýdan bas tartyp, jumys oryndaryna oralǵan.
"Westoil Software" JSHS-da ortasha jalaqy 735 myń teńge bolady.
