3 aqpanda Soltústik Qazaqstan oblysynyń politsiia departamentiniń qyzmetkerleri «Tiolain» kompaniiasynyń ieleriniń biri Viktor Dolgalevti jer qoinaýyn ruqsatsyz paidalanǵany úshin ustap, sot sanktsiiasymen qamaýǵa alyndy, – dep habarlaidy Dalanews.kz.
Qylmystyq is odan ári tergeý úshin QMA Soltústik Qazaqstan oblysy boiynsha departamentine jiberildi. Sondai-aq, V.Dolgalevke qatysty asa iri kólemde kiris alý arqyly zańsyz kásipkerlikpen ainalysqany úshin tergeý júrgizilýde.
Tergeý málimetteri boiynsha, 2021 jyldyń naýryz aiynda Indýstriia jáne infraqurylymdyq damý ministrligi kompaniianyń 38 mlrd teńgege qarjylyq jáne investitsiialyq mindettemelerin oryndamaýyna bailanysty «Obýhovskoe» ken ornynda jer qoinaýyn paidalaný boiynsha kelisimshartty merziminen buryn toqtatqan.
Joǵarǵy Sot quziretti organnyń is-qimyldarynyń zańdylyǵyn rastady.
Sonymen qatar, 2020 jyldyń 1 maýsymynda sot sheshimimen V.Dolgalevke «Tiolain» kompaniiasynyń múlkin basqarýǵa tyiym salyndy.
Osyǵan qaramastan, V.Dolgalev óziniń baqylaýyndaǵy qurylymdar arqyly zańsyz taý-ken óndirisin jalǵastyryp, Qytaiǵa jáne basqa elderge zańsyz joldarmen eksporttaǵan. Tek úsh jyl ishinde (2021-2023 jj.) 113 myń tonnaǵa jýyq ken eksporttalypty.
Mamannyń qorytyndysy boiynsha qylmystyq tabystyń jalpy somasy 26 mlrd teńgeden asty. Bul qarajatqa enshiles tulǵalar arqyly ken ornyna irgeles jatqan 7,5 myńǵa jýyq gektar aýyl sharýashylyǵy maqsatyndaǵy jerler satyp alynyp, ol jerde de zańsyz ken óndirý júrgizilgen. Sonymen qatar, 2 mlrd teńgege biýdjetke tólenetin salyqtar men tólemderden jaltarý faktileri anyqtaldy.
Qazirgi ýaqytta jasalǵan qylmystyń barlyq mán-jailaryn anyqtaýǵa baǵyttalǵan tergeý áreketteri júrgizilýde.
QR QPK-niń 201-baby tártibindegi ózge de aqparat jariia etýge jatpaidy.
