Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Jer qoinaýyn paidalanýshylarǵa talap kúsheitiledi

Dalanews
Jer qoinaýyn paidalanýshylarǵa talap kúsheitiledi
Ońtústik Qazaqstan oblysynda zańdy jer qoinaýyn paidalanýshylardyń biýdjetke tólegen salyqtary men áleýmettik jarnalaryna qaita taldaý júrgizilmek. Oblys ákimdiginiń kezekti otyrysynda aimaq basshysy J.Túimebaev jaýapty sala basshylaryna osyndai mindet qoidy.

Óńirdegi 175 jer qoinaýyn paidalanýshylardyń 70-niń óz maqsatynda paidalaný úshin tiisti qujattary joq ekenin aitqan ákim munymen qoimai olar aýyl sharýashylyǵy jerlerin qazyp jatyr dedi.

− Karer ieleri 2015-2016 jyldary jer qoinaýyn paidalanǵany úshin bar bolǵany   109 mln. teńge tólegen. Bul qum, tas tasyǵan aýyr júk kólikteri buzǵan joldardyń jóndeý shyǵynyn ótemeidi. Naqty jer qoinaýyn paidalanýshylardyń zańdy jáne zańsyz is-áreketterinen memleketke keltirilgen shyǵyndy taldaýdy sala basshylaryna júkteimin, − dedi aimaq basshysy.

Oblysta jer qoinaýyn paidalaný salasyn memlekettik retteý jumystarynyń barysy týraly baiandaǵan oblystyq tabiǵi resýrstar jáne tabiǵat paidalanýdy retteý basqarmasynyń basshysy M.Otarshiev  qoldanystaǵy zańnamaǵa sáikes, paidaly qazbalar kómirsýtek shikizaty, qatty paidaly qazbalar jáne keń taralǵan paidaly qazbalar bolyp negizgi 3 túrge bólinetinin aitty.

Onyń aitýynsha, keń taralǵan paidaly qazbalardy barlaý jáne óndirýge arnalǵan 168 kelisimshart jáne avtomobil joldarynyń qurylysyna paidalaný úshin keń taralǵan paidaly qazbalardy igerýge 7 ruqsat tirkelgen. Al, ortalyq atqarýshy organ tarapynan berilgen quqyqtar negizinde, qatty paidaly qazbalardy igerýge oblys aýmaǵynda  27 kelisimshart  jáne   1 kelisimshart tabiǵi gazdy barlaý boiynsha tirkelgen.

Jiyndy qorytyndylaǵan ákim oblysta zańsyz jer qoinaýyn paidalanýdy toqtatý boiynsha atqarylyp otyrǵan jumystardy qaita zerttep, saralap naqty usynys engizýdi. Sonymen qatar, zańsyz jer qoinaýyn paidalanýshylarǵa tosqaýyl qoiý jáne zańdy jer qoinaýyn paidalanýshylardyń qyzmetin retteý boiynsha quzyrly organdarmen birlesken is-sharalar josparyn ázirleýdi jaýapty sala jetekshilerine júktedi.



OQO ákiminiń baspasóz qyzmeti
Ońtústik Qazaqstan oblysy Janseiit Túimebaev OQO ákiminiń baspasóz qyzmeti Karer qum tas Otarshiev Madina Sádýaqasova

Oqi otyryńyz