Bailanys pen internet jer astynda da qoljetimdi. “Ksell” Qazaqstanda birinshi bolyp metropolitende kommertsiialyq 5G jelisin iske qosty. Qazirgi ýaqytta jeli “Raiymbek batyr” stantsiiasynda qoljetimdi, al metronyń basqa núktelerinde bazalyq stantsiialardy ornatýdy kompaniia kezeń-kezeńmen josparlap otyr. Endi almatylyqtar men qala qonaqtary árdaiym bailanysta bolyp, jaqyndarymen habarlasa alady, sondai-aq poiyzdy kútip, jer astynda jeliden ajyramai, ýaqytyn tiimdi ótkize alady, dep habarlaidy Dalanews.kz.
Almatylyq metropolitendegi bailanys pen internet tek 5G tehnologiiasy boiynsha ǵana emes, sondai-aq 4G jáne 3G standarty arqyly da jumys isteidi. Bul qala turǵyndary men qonaqtaryna jer astynda da zamanaýi telekommýnikatsiialyq qyzmetter men tsifrlyq servisterdi paidalanýǵa múmkindik beredi. Qazirgi tańda “Ksell” mamandary “Jibek Joly” stantsiiasynda barlyq installiatsiialyq jumystardy aiaqtap jatyr, osylaishakezeń-kezeńimen metronyń 11 stantsiiasynda bazalyq stantsiialar ornatylatyn bolady.
“Qazirgi ýaqytta biz “Raiymbek batyr” stantsiiasyna bazalyq stantsiiany ornattyq, biraq jaqyn arada metronyń basqa danúktelerinde bailanys pen internet iske qosylady. Árbir bazalyq stantsiia negizgi optikalyq jelige qosylady, bul joǵary ótkizý qabiletin qamtamasyz etedi. Meniń bilýimshe, bolashaqta Almatyda taǵy 4 jańa stantsiianyń ashylýy josparlanǵan, biz ol stantsiialarda da mobildi bailanysty túrli tehnologiialar boiynsha iske qosýdy josparlap otyrmyz. Jalpy, aita ketý kerek, “Ksell” Qazaqstanda birinshi bolyp metrony 5G jelisimen qamtamasyz etken operator boldy”, – dep atap ótti "Ksell" AQ basqarma tóraǵasy Asqar Jambakin.
Almaty metropoliteni 2011 jylǵy 1 jeltoqsanda ashylǵan jáne búgingi kúni táýligine “jerasty” poiyzdary 100 myńǵa deiin jolaýshyny, al jylyna 25 millionnan astam jolaýshyny tasymaldaidy. Metro paidalanýshylary stantsiiaǵa túsken sátinen bastap jer betine shyqqanǵa deiin bailanyssyz bolatyn. “Ksell”-diń kómegimen bul másele sheshimin tapty deýge bolady. Degenmen 5G jáne basqa tehnologiialar boiynsha bailanys ázirge tek "Ksell" men active abonentterine jáne tek kútý zalynda ǵana qoljetimdi, biraq kompaniia metro jolaýshylaryn týnnelde de bailanyspen qamtamasyz etý múmkindigin qarastyryp jatyr.
“Jalpy, 5G tehnologiiasy týraly aitar bolsaq, búgingi tańda biz respýblika boiynsha 20-ǵa jýyq qalada jańa býyndaǵy 1000-nan astam bazalyq stantsiiany ornatyp, júzdegen myń 5G qoldaityn gadjeti bar qazaqstandyqtarǵa osy tehnologiia arqyly bailanys pen internetti paidalanýǵa múmkindik berdik. Biz jańa bailanys tehnologiiasynyń taralý aimaǵyn keńeitip, bazalyq stantsiialardy ornatyp jatyrmyz, endi mine, metroǵa túsip, osynda 5G jelisin iske qostyq”, – deidi “Ksell” AQ 5G jobasynyń direktory Magomedgirei Katiev.
Aita keteiik, jańa býyndaǵy bailanystyń qarqyndy damýy Qazaqstandaǵy jalpy uialy bailanys sapasyna aitarlyqtai áser etti. “Ksell” muny abonentterdiń 3G jáne 4G tehnologiialarynan 5G-ge belsendi túrde kóshýimen bailanystyrady.
