Astanada bir top adam jasaǵan alaiaqtyq pen qylmystyq jolmen alynǵan kiristi zańdastyrý deregi boiynsha úkim shyqty, - dep habarlaidy Dalanews.kz.
Tergeýdi QMA Astana qalasy boiynsha departamenti júrgizdi. Tergeý barysynda 2023 jyly kúdikti áiel, ulynyń atynan berilgen senimhat negizinde áreket etip, "Bank TsentrKredit" AQ-nan jalpy somasy 115 mln teńge bolatyn eki nesie rásimdegeni anyqtaldy. Nesie "DAMÝ" kásipkerlikti damytý qory sýbsidiialaityn memlekettik jeńildetilgen nesieleý baǵdarlamasy aiasynda alynǵan. Nesie alý maqsatynda bankke jalǵan qujattar, onyń ishinde múlikti kepilge qoiý boiynsha jalǵan baǵalaý aktileri usynylǵan.
Oń qorytyndy alý úshin kúdiktiler naryqtaǵy qunyna sáikes kelmeitin jyljymaityn múlikti atyna rásimdegen tulǵalardy tartqan. Sondai-aq, 2023 jyldyń jeltoqsanynda kúdiktiler qaterli isikpen aýyrǵan áieldiń atyna 155 mln teńge kóleminde taǵy bir nesie rásimdegen.
"Nan pisirý jabdyqtaryn satyp alý jeleýimen olar áieldiń elektron tsifrlyq qoltańbasyna (ETsQ) paidalanyp, jalǵan kelisimsharttar, shot-faktýralar, oryndalǵan jumystar týraly aktiler ázirlegen. Bul qujattar jabdyqty jeke kásipkerler jetkizgenin rastaǵandai bolǵanymen, is júzinde eshqandai zat jetkizilmegen. Alynǵan qarajat jeke kásipkerlerdiń shottaryna aýdarylyp, qolma-qol aqshaǵa ainaldyrylǵan. Áiel qaitys bolǵannan keiin de uiymdastyrýshylar jalǵan qujattardy keiingi kúnmen rásimdeýdi jalǵastyrǵan", - dep jazylǵan habarlamada.
Tergeý barysynda bank qyzmetkeriniń nesie ótinimderin rásimdeýge kómekteskeni úshin 500 myń teńge kóleminde syiaqy alǵany anyqtaldy. Bankke keltirilgen jalpy shyǵyn 155 mln teńge bolady.
Sot úkimimen kúdiktiler kináli dep tanylyp, árqaisyna 5 jyl merzimge bas bostandyǵynan aiyrý jazasy taǵaiyndaldy.
Sondai-aq, qylmystyq jolmen alynǵan kiristerge satyp alynǵan demalys bazasy, 2000 sharshy metr jer telimi, elordadaǵy kommertsiialyq jyljymaityn múlik memleket kirisine tárkilendi.
Úkim zańdy kúshine engen joq.
