استانادا بٸر توپ ادام جاساعان الاياقتىق پەن قىلمىستىق جولمەن الىنعان كٸرٸستٸ زاڭداستىرۋ دەرەگٸ بويىنشا ٷكٸم شىقتى, - دەپ حابارلايدى Dalanews.kz.
تەرگەۋدٸ قما استانا قالاسى بويىنشا دەپارتامەنتٸ جٷرگٸزدٸ. تەرگەۋ بارىسىندا 2023 جىلى كٷدٸكتٸ ەيەل, ۇلىنىڭ اتىنان بەرٸلگەن سەنٸمحات نەگٸزٸندە ەرەكەت ەتٸپ, "بانك تسەنتركرەديت" اق-نان جالپى سوماسى 115 ملن تەڭگە بولاتىن ەكٸ نەسيە رەسٸمدەگەنٸ انىقتالدى. نەسيە "دامۋ" كەسٸپكەرلٸكتٸ دامىتۋ قورى سۋبسيدييالايتىن مەملەكەتتٸك جەڭٸلدەتٸلگەن نەسيەلەۋ باعدارلاماسى اياسىندا الىنعان. نەسيە الۋ ماقساتىندا بانككە جالعان قۇجاتتار, ونىڭ ٸشٸندە مٷلٸكتٸ كەپٸلگە قويۋ بويىنشا جالعان باعالاۋ اكتٸلەرٸ ۇسىنىلعان.
وڭ قورىتىندى الۋ ٷشٸن كٷدٸكتٸلەر نارىقتاعى قۇنىنا سەيكەس كەلمەيتٸن جىلجىمايتىن مٷلٸكتٸ اتىنا رەسٸمدەگەن تۇلعالاردى تارتقان. سونداي-اق, 2023 جىلدىڭ جەلتوقسانىندا كٷدٸكتٸلەر قاتەرلٸ ٸسٸكپەن اۋىرعان ەيەلدٸڭ اتىنا 155 ملن تەڭگە كٶلەمٸندە تاعى بٸر نەسيە رەسٸمدەگەن.
"نان پٸسٸرۋ جابدىقتارىن ساتىپ الۋ جەلەۋٸمەن ولار ەيەلدٸڭ ەلەكترون تسيفرلىق قولتاڭباسىنا (ەتسق) پايدالانىپ, جالعان كەلٸسٸمشارتتار, شوت-فاكتۋرالار, ورىندالعان جۇمىستار تۋرالى اكتٸلەر ەزٸرلەگەن. بۇل قۇجاتتار جابدىقتى جەكە كەسٸپكەرلەر جەتكٸزگەنٸن راستاعانداي بولعانىمەن, ٸس جٷزٸندە ەشقانداي زات جەتكٸزٸلمەگەن. الىنعان قاراجات جەكە كەسٸپكەرلەردٸڭ شوتتارىنا اۋدارىلىپ, قولما-قول اقشاعا اينالدىرىلعان. ەيەل قايتىس بولعاننان كەيٸن دە ۇيىمداستىرۋشىلار جالعان قۇجاتتاردى كەيٸنگٸ كٷنمەن رەسٸمدەۋدٸ جالعاستىرعان", - دەپ جازىلعان حابارلامادا.
تەرگەۋ بارىسىندا بانك قىزمەتكەرٸنٸڭ نەسيە ٶتٸنٸمدەرٸن رەسٸمدەۋگە كٶمەكتەسكەنٸ ٷشٸن 500 مىڭ تەڭگە كٶلەمٸندە سىياقى العانى انىقتالدى. بانككە كەلتٸرٸلگەن جالپى شىعىن 155 ملن تەڭگە بولادى.
سوت ٷكٸمٸمەن كٷدٸكتٸلەر كٸنەلٸ دەپ تانىلىپ, ەرقايسىنا 5 جىل مەرزٸمگە باس بوستاندىعىنان ايىرۋ جازاسى تاعايىندالدى.
سونداي-اق, قىلمىستىق جولمەن الىنعان كٸرٸستەرگە ساتىپ الىنعان دەمالىس بازاسى, 2000 شارشى مەتر جەر تەلٸمٸ, ەلورداداعى كوممەرتسييالىق جىلجىمايتىن مٷلٸك مەملەكەت كٸرٸسٸنە تەركٸلەندٸ.
ٷكٸم زاڭدى كٷشٸنە ەنگەن جوق.
