– Búginde Joǵarǵy sot ókilderi óz jumysyn adal atqarmaityn sýdialaramen kúres júrgizip jatyr. Bizder olardyń bul bastamasyn quptaimyz. Biyldyń ózinde zańǵa qaishy sheshim shyǵarǵan bes sýdia sottaldy. Osy rette Sybailas jemqorlyqqa qarsy is-qimyl agenttiktigi quqyq qorǵaý organdary men sot qyzmetkerleriniń jemqorlyqqa qarsy jaýapkershiligin arttyrý týrasynda bastama kóterip otyr.
Asa aýyr jáne asa aýyr jemqorlyq áreketke barǵan shendilerdi shartty túrde bostandyqqa jiberý isine shekteý qoiý máselesin kóterip otyrmyz, – dedi agenttik tóraǵasy.
Sonymen qatar ol búginde elimizde negizgi qylmys jemqorlyq isimen tikelei bailanysty ekenin de jasarǵan joq. Aitalyq, paraqorlyq – 850, talan-taraj – 714, qyzmet babyn asyra paidalaný boiynsha 224 qylmys tirkelgenin de agenttiń tóraǵasy alǵa tartty.
– Jyl basynan beri 1028 tulǵany qylmysy áshkere boldy. Olardyń 23 respýblikalyq deńgeidegi basshylar bolsa, 86-sy oblystyq deńgeidegi atqaminerler bolǵan. Olardyń jasaǵan qylmysynan memleketke 23,2 mlrd teńge shyǵyn kelgen. Bul ótken jylmen salystyrǵan 1,7 esege joǵary bolyp tur, – dep Sybailas jemqorlyqqa qarsy is-qimyl agenttiktiń basshysy kisi shoshityn shyndyqty jaiyp saldy.
Mundai jaǵdaida memleket qarjysyn qymqyryp isti bolǵandardyń arada biraz ýaqyt ótip, istiń qyzý basylǵannan keiin shartty túrde bostandyqqa shyǵýy jemqorlardyń jazadan qashyýyna jol ashatyny anyq. Quqyqtyń memleket sanaityn Qazaqstan biligi mundai bassyzdyqqa jol bermeýi kere dep esepteimiz.
