Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Jeltoqsan kóterilisiniń qurbany Sábira Muhamedjanova 35 jyldan keiin saiasattyń qurbany retinde tanyldy

Dalanews
Jeltoqsan kóterilisiniń qurbany Sábira Muhamedjanova 35 jyldan keiin saiasattyń qurbany retinde tanyldy
Shyǵys Qazaqstan oblystyq «JELTOQSAN-86» qoǵamdyq birlestiginiń tóraǵasy Marat Ramazanovtyń jeltoqsanshy qaharman qyzy Sábira Muhamedjanovanyń aqtalǵany týraly resmi qujatty qolyna alǵanyn, – dep habarlaidy Nege.kz saity.

QR Bas prokýratýrasy qoǵam belsendisi, «Joltoqsan aqiqaty» uiymynyń tóraǵasy Beisenbai Seifoldanyń ótinishisine sáikes Jeltoqsan kóterisi kezinde Óskemende jataqhananyń besinshi qabatynyń sekirip mert bolǵan Sábira Muhamedjanovany saiasi qýǵyn-súrgin qurbany dep taný týrasyndaǵy ótinishin qarastyrǵan.

Óz kezeginde QR Bas prokýratýrasy joldaǵan hatynda «Abai atyndaǵy Shyǵys Qazaqstan gýmanitarlyq kolledji muraǵatyndaǵy qujattarǵa sáikes Sábira Muhamedjanovanyń 1986 jyly 16-18 jeltoqsan kúnderi kóteriliske qatysqany rastalǵan.

Osyǵan sáikesi «QR Jappai saiasi qýǵyn-súrginder qurbandaryn aqtaý týraly» zańyna sáikes Sábira Esimbekqyzy Muhamedjanova saiasi qýǵyn-súrgin qurbany retinde tanyldy» degen. Osylaisha araǵa 35 jyl salyp, qazaqtyń batyr qyzyn solaqai saiasattyń qurbany dep tanylyp otyr.   


– Jeltoqsan kóterilisine qatysqan talai qazaq jastary ómirimen qosh aitysqan. Solardyń biri – Sábira Muhamedjanova edi. 16 jasynda qaza bolǵan qaisar qyz osy ýaqytqa deiin aqtalmai keldi. Áiteýir 35 jyldan keiin bul olqylyqtyń orny toldy. Osy oraida Sábiranyń aqtalýynda «Jeltoqsan aqiqaty» respýblikalyq qoǵamdyq birlestiginiń tóraǵasy Beisenbai Saifoldanyń eńbegi zor, – dedi ol.

Marat Ramazanovtyń sózinshe, Sábira Muhamedjanovamen bir topta oqyǵan 28 qyz ben kýrstas 8 jigit te aqtalyp otyr.
Madina Sádýaqasova

Oqi otyryńyz