Jeltoqsan kóterilisi jaiynda syr shertetin kitap
El Táýelsizdiginiń 25 jyldyǵyna jáne 1986 jylǵy jeltoqsannyń 30 jyldyǵyna orai QR Prezidentiniń jýrnalistika salasy boiynsha syilyǵynyń laýreaty, QR Mádeniet qairatkeri, Memlekettik «Daryn» jastar syilyǵynyń jáne Qazaqstan Jastar Odaǵy syilyǵynyń iegeri, filosofiia ǵylymdarynyń kandidaty, Qazaq radiosy direktorynyń orynbasary – Shalqar radiosynyń direktory Bolatbek Tólepbergenniń «Qasiettim – jeltoqsan!» atty kitabynyń tusaýkeseri bolady.
dalanews-bolatbek_tolepbergen01“Qasiettim – jeltoqsan!” pýblitsistikalyq kitabynda avtor 1986 jylǵy Almaty qalasyndaǵy Jeltoqsan kóterilisiniń shyǵý sebep-saldary men oqiǵanyń órbý barysyn qamtýdy kózdegen. Sonymen qatar, oqiǵaǵa qatysqan jáne odan keiingi kezde azamattyq ustanymyn kórsetken ziialylarymyzdyń, jastarymyzdyń qaisarlyǵy týraly syr shertiledi. Jeltoqsan kóterilisiniń tutanýyna túrtki bolǵan jaittardan bastap, jeltoqsandyq qaћarmandardyń is-áreketteri ashyp kórsetilip, jeltoqsandyqtardyń birazynyń tizimderi men sol 1986 jylǵy oqiǵaǵa qatysqan jastardyń derekteri berilgen. Avtor Jeltoqsan kóterilisine qatysty tolyqqandy maǵlumatty naqty derektermen dáiekteidi, jeltoqsandyq ziialy qaýym bolmysyn ashýǵa umtyla otyryp, Jeltoqsan kóterilisiniń bizge beimálim qyrlaryn baiandaýdy maqsat tutqan.
Jeltoqsan kóterilisi qazaq tarihynyń asqaq kezeńi ekenine ony muqiiat zerdelegen oqyrmannyń kózi jete túseri anyq. Avtordyń bul tiianaqty eńbegi – qaharmandyq kúrestiń shynaiy beinesi men tolyq aqiqatyn ashýdaǵy saýapty da qajyrly talpynysy, igilikti istiń máýeli jemisi.
Bolatbek Tólepbergen ár jyldarda jaryq kórgen tarihi aǵartýshylyq baǵyttaǵy onshaqty kitap pen «Súiikti meniń Otanym» jáne «Táýelsizdik besigin terbetken» atty derekti filmderdiń avtory.
Atalǵan kitap Mádeniet jáne sport ministrliginiń «Ádebiettiń áleýmettik mańyzdy túrlerin basyp shyǵarý» baǵdarlamasy boiynsha 2000 danamen «Keremet media» baspasynan jaryq kórdi.
"QmD" aqparat
