Áleýmettik jelide "jigitti jumys ornynan áskerge kúshtep alyp ketken" delinetin vıdeo tarady, dep habarlaıdy Dalanews.kz.
Málimetke súıensek, bul jaǵdaı Astanada saýda ortalyǵynda bolǵan.
Astana qalasy Qorǵanys isteri departamenti málimetinshe, 4 jeltoqsanda jedel profılaktıkalyq is-sharalar sheńberinde Astana qalasy Qorǵanys isteri departamentiniń qyzmetkerleri polısıa qyzmetkerlerimen birlesip, derekqorda áskerge shaqyrý jasyndaǵy tulǵa retinde tizimdelgen 2002 jyly týǵan Á.-ni toqtatqan.
"Tekseris barysynda azamat buryn áskerı qyzmetke jaramdylyǵyn anyqtaý úshin mindetti medısınalyq kýálandyrýdan ótpegeni anyqtaldy. Oǵan qalalyq jıyn pýnktine barý usynyldy, biraq ol bas tartty. Qoldanystaǵy zańnamaǵa sáıkes azamat medısınalyq komısıadan ótý úshin jetkizildi", - dep jazylǵan habarlamada.
Alǵashqy medısınalyq tekseris nátıjeleri boıynsha ol turaqty tirkelgen jeri boıynsha qosymsha tekseriske jiberilgen.
"Oǵan tıisti joldama berildi, sodan keıin ol úıge jiberildi. Azamat tarapynan zańsyz áreketter týraly shaǵymdar men aryzdar túsken joq", - dep jazylǵan habarlamada.
