Májilis depýtaty Rinat Zaiytov komitet otyrysynda Almatydaǵy Abai atyndaǵy Qazaq ulttyq opera jáne balet teatrynyń keshterge jalǵa berilip jatqanyn synǵa aldy, dep habarlaidy Dalanews.kz.
"Bul – Almatydaǵy basty mádeni oshaqtardyń biri. Alaida onyń kireberisi keshki ýaqytta korporativtik keshterge jalǵa berilip júr. Bul qandai zańǵa negizdelgen? Kelisimsharttar kimmen jáne qalai jasalady? Teatr túngi saǵat 3-ke deiin jeke is-sharalar ótkizýge ne sebepti ruqsat berip otyr?", – dep surady Zaiytov.
Depýtat bul málimdemesin dáleldeitin foto jáne video materialdary bar ekenin aitty. Sonymen qatar ol eldegi teatr júiesin retteý, qarjylandyrý, kadr máselesin sheshý jáne óner ordalaryn halyqqa qoljetimdi etý qajettigin atap ótti.
Eske salaiyq, buǵan deiin Rinat Zaiytov memlekettik emes nysandarda tek latyn qarpin qoldanýdy usynǵan edi.
Onyń aitýynsha, respýblikalyq mańyzy bar qalalar – sheteldik týrister kóptep keletin ortalyqtar. Degenmen qazir kóshedegi mańdaisha jazýlar úsh túrli álipbide beriledi.
"Qazir minimalizm zamany. Kirillitsany ekiniń biri túsinip jatqan joq. Sondyqtan kem degende memlekettik emes mekemelerdiń mańdaisha jazýlaryn dizain kodqa sáikes tek latyn álipbiimen rásimdeýge ruqsat berý kerek. Osy máselege Úkimet qandai kózqaras bildiredi?" – dep surady depýtat Saýda jáne integratsiia ministri Serik Jumanǵarinnen.
Sonymen qatar depýtat Astana men Almaty qalalarynyń ákimdikterine daýystyq jarnamaǵa qatysty usynylyp jatqan shekteýler týraly saýal joldady.
"Sizder daýystyq jarnamany toqtatamyz dep jatyrsyzdar. Bul qalai júzege aspaq? Mysaly, "Altyn orda" bazarynda Muqaǵalidiń óleńderin oqyp, kitap satatyn aǵamyz bar. Ony kórý úshin arnaiy baratyn adamdar bar. Ol nege jazyqty? Nemese Astanada Shámshiniń ánderin shyrqaityn bir apamyz bar. Alataý teatrynyń 'Qazaqsha terapiia' ujymy bar. Olardyń qymbat bilbordtarǵa jarnama jasaýǵa múmkindikteri joq. Sondyqtan dombyralaryn alyp, metronyń ishinde án shyrqap, ónerlerin pash etedi.
Bul jarnamanyń erekshe ári ádemi túri. Endi olardyń bárine aiyppul salasyzdar ma? Olardyń jaǵdaiy ne bolmaq?" – dedi Zaiytov.
Rinat Zaiytov: Abai atyndaǵy teatr ǵimaraty keshterge jalǵa berilip júr
