Prezidentti izdeýge Ishki ister ministrligi emes, basqa qurylymdar jumyldyrylǵan.
Qyrǵyz Respýblikasynyń óz-ózin Ishki ister ministri etip taǵaiyndaǵan Kýrsan Asanov prezident Sooronbai Jeenbekovtiń qazir qaida ekenin bilmeidi, dep habarlaidy Dalanews.kz 24.kg-ge silteme jasap.
- Shynymdy aitsam, men qazir basqa máselelermen ainalysyp jatyrmyn. Bishkekte jaǵdaidy retke keltirý kerek. Kórip otyrǵanyńyzdai, kesheden bastap biz erikti halyq jasaqtarymen birge qaladaǵy jaǵdaidy baqylaýǵa alyp, jappai beibereketsizdiktiń aldyn aldyq. Biz osy baǵytta jumys jasai beremiz. Basqa qurylymdar Jeenbekov pen basqalardy izdeýge kirisedi dep senemin, - dedi ol búgin Bishkekte ótken brifingte.
Qyrǵyzstannyń shekarashylary elden joǵary laýazymdy sheneýnikterdi shyǵarmaý týraly buiryq aldy. Sonymen qatar shekarany jabý týraly sheshim qabyldandy.
Esterińizge sala keteiik, 6 qazanda Ishki ister ministriniń burynǵy orynbasary Qursan Asanov Qyrǵyz Respýblikasy ishki ister ministrligi Bishkek qalasy komendantynyń mindetin atqarýshy bolǵany jariialandy. Ishki ister ministri Qashqar Jýnýshaliev áli otstavkaǵa ketken joq.
