پرەزيدەنتتى ىزدەۋگە ىشكى ىستەر مينيسترلىگى ەمەس، باسقا قۇرىلىمدار جۇمىلدىرىلعان.
قىرعىز رەسپۋبليكاسىنىڭ ءوز-وزىن ىشكى ىستەر ءمينيسترى ەتىپ تاعايىنداعان كۋرسان اسانوۆ پرەزيدەنت سوورونباي جەەنبەكوۆتىڭ ءقازىر قايدا ەكەنىن بىلمەيدى، دەپ حابارلايدى Dalanews.kz 24.kg-گە سىلتەمە جاساپ.
- شىنىمدى ايتسام، مەن ءقازىر باسقا ماسەلەلەرمەن اينالىسىپ جاتىرمىن. بىشكەكتە جاعدايدى رەتكە كەلتىرۋ كەرەك. كورىپ وتىرعانىڭىزداي، كەشەدەن باستاپ ءبىز ەرىكتى حالىق جاساقتارىمەن بىرگە قالاداعى جاعدايدى باقىلاۋعا الىپ، جاپپاي بەيبەرەكەتسىزدىكتىڭ الدىن الدىق. ءبىز وسى باعىتتا جۇمىس جاساي بەرەمىز. باسقا قۇرىلىمدار جەەنبەكوۆ پەن باسقالاردى ىزدەۋگە كىرىسەدى دەپ سەنەمىن، - دەدى ول بۇگىن بىشكەكتە وتكەن بريفينگتە.
قىرعىزستاننىڭ شەكاراشىلارى ەلدەن جوعارى لاۋازىمدى شەنەۋنىكتەردى شىعارماۋ تۋرالى بۇيرىق الدى. سونىمەن قاتار شەكارانى جابۋ تۋرالى شەشىم قابىلداندى.
ەستەرىڭىزگە سالا كەتەيىك، 6 قازاندا ىشكى ىستەر ءمينيسترىنىڭ بۇرىنعى ورىنباسارى قۇرسان اسانوۆ قىرعىز رەسپۋبليكاسى ىشكى ىستەر مينيسترلىگى بىشكەك قالاسى كومەندانتىنىڭ مىندەتىن اتقارۋشى بولعانى جاريالاندى. ىشكى ىستەر ءمينيسترى قاشقار جۋنۋشالييەۆ ءالى وتستاۆكاعا كەتكەن جوق.
