Qaraǵandyda jedel járdem júrgizýshisin soqqyǵa jyqqan  Nurbolat Dákebaev eki aı qamaýǵa alyndy, dep habarlaıdy Dalanews.kz.

Tergeý soty prokýrordyń kúdiktini syrttaı qamaýǵa alý týraly sanksıasyn qańtar aıynyń sońynda qanaǵattandyrǵany belgili boldy.

"28 qańtarda sot syrttaı Nurbolat Dákebaevty eki aıǵa qamaý týraly bultartpaý sharasyn taǵaıyndady. Ol úkimge qarsy shaǵym túsirgen joq", - dep habarlady sot.

Eske salaıyq, buǵan deıin Qaraǵandyda jedel járdem qyzmetkerin balaǵattap, soqqyǵa jyqqan er adamǵa qatysty qylmystyq is qozǵalǵany habarlanǵan bolatyn. Vıdeo telegram arnalardyń birinde taraǵan. Rolıkte er adam jedel járdem júrgizýshisin balaǵattap, artynsha soqqyǵa jyqqanyn kórýge bolady.

Artynsha soqqyǵa jyǵylǵan jedel járdem júrgizýshisi oqıǵanyń qalaı bolǵanyn aıtyp berdi.

Zardap shekken Tóreǵalı Berikqalıuly Maqajanov atyndaǵy oblystyq aýrýhananyń nevrologıa bóliminde jatyr. Qaraǵandy oblysynyń densaýlyq saqtaý basqarmasynyń baspasóz qyzmetiniń habarlaýynsha, jábirlenýshiniń jaǵdaıy áli de ortasha aýyr.

1 aqpanda kúdikti ustaldy. Keıinirek onyń ustalǵan sáti túsirilgen vıdeo tarady.

Artynsha jedel járdem júrgizýshisi Tóreǵalı Berikqalıuly úndeý jasady. Ol ózin "haıp" ustap ketti degenderge jaýap berdi jáne ózin urǵan er adamdy sotqa berý nıeti joq ekenin, keshirýge de daıyn ekenin aıtty.