Aktsiiany uiymdastyrýǵa Astana qalasynyń Qoǵamdyq densaýlyq saqtaý basqarmasy, Salaýatty ómir saltyn qalyptastyrý ortalyǵy, JITS ortalyǵy jáne №3 qalalyq emhananyń "Jas Tolqyn" jastar densaýlyq ortalyǵynyń mamandary uiytqy bolǵan.
Ári osy kúni jastar densaýlyq ortalyǵynyń bastamasymen foiede "Densaýlyq buryshy" uiymdastyrylyp, onda stýdentter men aktsiiaǵa kelgen qonaqtar ýrolog, psiholog, ginekolog dárigerlerden keńes aldy.
Sondai-aq osy mańda qant diabetine, JQTB-ǵa (Juqtyrylǵan qorǵanysh tapshylyǵynyń belgisi) jedel test tapsyrǵan stýdentter de az bolmady. Jastardy salaýatty ómir saltyn ustanýǵa shaqyrǵan aktsiiada nashaqorlyqtyń saldarymen qatar esirtki saýdasymen ainalysqandarǵa taǵaiyndalatyn qylmystyq jaýapkershilik jóninde jan-jaqty aityldy.
– Iá búgingi is-sharanyń maqsaty jastardy salaýatty ómir saltyn ustanýǵa shaqyrý boldy. Negizi osy baǵytta Astanda jergilikti ákimdiktiń bastamasymen josparly is sharalar jii uiymdastyrylady. Búgin jastarǵa esirtkiniń ziian ekenin, ony saýdalaǵandarǵa taǵaiyndalatyn úkim aýyr ekenin barynsha túsindirdik.
Sondai-aq esirtki saýdasymen de ainalysqandar iaǵni esirtki saqtaǵandar nemese jarnamalaǵandar jazadan qutylmaidy. Mine, osylaisha biz jastarǵa nashaqorlyqtan keletin qaýip-qaterlerdi barynsha túsindirdik dep oilaimyz,– deidi Astana qalasy politsiia departamenti esirtki biznesine qarsy is-qimyl basqarmasynyń nashaqorlyqtyń aldyn alý, vedomstvoaralyq úilestirý bóliminiń bastyǵy Sergei Ilinov.
Izin ala JITS ortalyǵynyń mamany Ajar Turymova stýdentterge JITS-tiń belgileri jáne saqtaný joldary týraly aityp berdi. Sala mamany stýdenttermen kezdeskende JITS týraly bilmeitin jastardyń kóp ekenin eske salyp, aýrýdyń bul túri esirtki qoldanatyndarǵa qan arqyly taraý qaýpi bar ekenin túsindirdi. Al Astana qalasy boiynsha salaýatty ómir saltyn qalyptastyrý ortalyǵynyń direktory Qanat Hamzin de jastar arasynda nashaqorlyq
–26 maýsym esirtkige qarsy kún dep belgilengen. Biraq biz mundai aktsiialardy bir kúnge telip qoimai, birneshe ret uiymdastyramyz. Qazir esirtki qoldanatyndardy bylai qoiǵanda jastar arasynda esirtki taratyndar kóbeiip barady. Esirtki paidalanatyndarmen qosa, ony saýdalaityndarǵa da jaza qatań. Jastar sony bilse deimiz.
Stýdentter esirtkiniń ziiany jáne qylmystyq jaýapkershilik týraly aqparatty mamandardyń ózinen estigen soń túisigine jetedi dep oilaimyz. Ortalyq balabaqshadan bastap, mektep, kolledj, joǵary oqý oryndarynda aýrýlardyń aldyn alý sharalaryn udaiy ótkizemiz. Dúniejúzilik densaýlyq saqtaý uiymynyń derekterine súiensek, jastar, tipti oqýshylar arasynda elektrondy temeki tutynatyndar kóbeigen. Mundai ózekti máselelermen qoǵam bolyp kúresýimiz kerek dep oilaimyz, – deidi ol.
Aktsiiada quqyq qorǵaý jáne meditsina salasynyń mamandary stýdenttermen erkin pikir almasyp, kókeidegi suraqtaryna jaýap berdi.
