اكسيانى ۇيىمداستىرۋعا استانا قالاسىنىڭ قوعامدىق دەنساۋلىق ساقتاۋ باسقارماسى، سالاۋاتتى ءومىر سالتىن قالىپتاستىرۋ ورتالىعى، جيتس ورتالىعى جانە №3 قالالىق ەمحانانىڭ "جاس تولقىن" جاستار دەنساۋلىق ورتالىعىنىڭ ماماندارى ۇيىتقى بولعان.
ءارى وسى كۇنى جاستار دەنساۋلىق ورتالىعىنىڭ باستاماسىمەن فويەدە "دەنساۋلىق بۇرىشى" ۇيىمداستىرىلىپ، وندا ستۋدەنتتەر مەن اكسياعا كەلگەن قوناقتار ۋرولوگ، پسيحولوگ، گينەكولوگ دارىگەرلەردەن كەڭەس الدى.
سونداي-اق وسى ماڭدا قانت ديابەتىنە، جقتب-عا (جۇقتىرىلعان قورعانىش تاپشىلىعىنىڭ بەلگىسى) جەدەل تەست تاپسىرعان ستۋدەنتتەر دە از بولمادى. جاستاردى سالاۋاتتى ءومىر سالتىن ۇستانۋعا شاقىرعان اكسيادا ناشاقورلىقتىڭ سالدارىمەن قاتار ەسىرتكى ساۋداسىمەن اينالىسقاندارعا تاعايىندالاتىن قىلمىستىق جاۋاپكەرشىلىك جونىندە جان-جاقتى ايتىلدى.
– ءيا بۇگىنگى ءىس-شارانىڭ ماقساتى جاستاردى سالاۋاتتى ءومىر سالتىن ۇستانۋعا شاقىرۋ بولدى. نەگىزى وسى باعىتتا استاندا جەرگىلىكتى اكىمدىكتىڭ باستاماسىمەن جوسپارلى ءىس شارالار ءجيى ۇيىمداستىرىلادى. بۇگىن جاستارعا ەسىرتكىنىڭ زيان ەكەنىن، ونى ساۋدالاعاندارعا تاعايىندالاتىن ۇكىم اۋىر ەكەنىن بارىنشا تۇسىندىردىك.
ءقازىر جاستار الەۋمەتتىك جەلىدەن ناشوقورلىقتىڭ سوڭى قانداي جاعدايعا اپاراتىنان بىلەدى دەپ ويلايمىز. ەڭ باستىسى جاستار ەسىرتكىدەن باس تارتۋى، ياعني، تۇتىنباۋى كەرەك. ويتكەنى سينتەتيكالىق ەسىرتكى تۇتىنعاندار ءوزىنىڭ زياندى زاتتىڭ جەتەگىنە ەرگەنىن بىلمەي دە قالادى.
سونداي-اق ەسىرتكى ساۋداسىمەن دە اينالىسقاندار ياعني ەسىرتكى ساقتاعاندار نەمەسە جارنامالاعاندار جازادان قۇتىلمايدى. مىنە، وسىلايشا ءبىز جاستارعا ناشاقورلىقتان كەلەتىن قاۋىپ-قاتەرلەردى بارىنشا تۇسىندىردىك دەپ ويلايمىز،– دەيدى استانا قالاسى پوليسيا دەپارتامەنتى ەسىرتكى بيزنەسىنە قارسى ءىس-قيمىل باسقارماسىنىڭ ناشاقورلىقتىڭ الدىن الۋ، ۆەدومستۆوارالىق ۇيلەستىرۋ ءبولىمىنىڭ باستىعى سەرگەي يلينوۆ.
ءىزىن الا جيتس ورتالىعىنىڭ مامانى اجار تۇرىموۆا ستۋدەنتتەرگە ءجيتس-تىڭ بەلگىلەرى جانە ساقتانۋ جولدارى تۋرالى ايتىپ بەردى. سالا مامانى ستۋدەنتتەرمەن كەزدەسكەندە جيتس تۋرالى بىلمەيتىن جاستاردىڭ كوپ ەكەنىن ەسكە سالىپ، اۋرۋدىڭ بۇل ءتۇرى ەسىرتكى قولداناتىندارعا قان ارقىلى تاراۋ ءقاۋپى بار ەكەنىن ءتۇسىندىردى. ال استانا قالاسى بويىنشا سالاۋاتتى ءومىر سالتىن قالىپتاستىرۋ ورتالىعىنىڭ ديرەكتورى قانات حامزين دە جاستار اراسىندا ناشاقورلىق
–26 ماۋسىم ەسىرتكىگە قارسى كۇن دەپ بەلگىلەنگەن. ءبىراق ءبىز مۇنداي اكسيالاردى ءبىر كۇنگە تەلىپ قويماي، بىرنەشە رەت ۇيىمداستىرامىز. ءقازىر ەسىرتكى قولداناتىنداردى بىلاي قويعاندا جاستار اراسىندا ەسىرتكى تاراتىندار كوبەيىپ بارادى. ەسىرتكى پايدالاناتىندارمەن قوسا، ونى ساۋدالايتىندارعا دا جازا قاتاڭ. جاستار سونى بىلسە دەيمىز.
ستۋدەنتتەر ەسىرتكىنىڭ زيانى جانە قىلمىستىق جاۋاپكەرشىلىك تۋرالى اقپاراتتى مامانداردىڭ وزىنەن ەستىگەن سوڭ تۇيسىگىنە جەتەدى دەپ ويلايمىز. ورتالىق بالاباقشادان باستاپ، مەكتەپ، كوللەدج، جوعارى وقۋ ورىندارىندا اۋرۋلاردىڭ الدىن الۋ شارالارىن ۇدايى وتكىزەمىز. دۇنيەجۇزىلىك دەنساۋلىق ساقتاۋ ۇيىمىنىڭ دەرەكتەرىنە سۇيەنسەك، جاستار، ءتىپتى وقۋشىلار اراسىندا ەلەكتروندى تەمەكى تۇتىناتىندار كوبەيگەن. مۇنداي وزەكتى ماسەلەلەرمەن قوعام بولىپ كۇرەسۋىمىز كەرەك دەپ ويلايمىز، – دەيدى ول.
اكسيادا قۇقىق قورعاۋ جانە مەديسينا سالاسىنىڭ ماماندارى ستۋدەنتتەرمەن ەركىن پىكىر الماسىپ، كوكەيدەگى سۇراقتارىنا جاۋاپ بەردى.
